ଗଞ୍ଜାମ, ଗତକାଲି ରାତିରେ ବ୍ରହ୍ମପୁର ରେଳ ଷ୍ଟେସନରେ ଜିଆରପି ପୋଲିସ ୧୭.୪ କେ.ଜି. ଗଞ୍ଜେଇ ଜବତ କରିଛି । ଧରାକୋଟ ବ୍ଲକ୍ ଅନ୍ତର୍ଗତ ବାଲିଗୁଡ଼ାର ଶ୍ରୀଧର ନାୟକ, ପୋଲସରା ଗ୍ରାମର ଚିତୁ ଗଉଡକୁ ଗିରଫ କରାଯାଇଛି । ଜିଆରପି ଇନ୍ସପେକ୍ଟର ଦିଲ୍ଲୀପ କୁମାର ଅଭିଯୁକ୍ତ ଦୁଇ ଜଣ ଦୁଇଟି ବ୍ୟାଗ୍ ରେ ଗଞ୍ଜେଇ ଧରି ପ୍ଲାଟଫର୍ମରେ ବୁଲୁ ଥିବା ବେଳେ ସନ୍ଦେହ ହେବାରୁ ସେମାନଙ୍କୁ ତନଖି କରିଥିଲେ । ଯାଂଚ୍ ସେମାନଙ୍କ ବ୍ୟାଗ୍ ରୁ ଗଞ୍ଜେଇ ଜବତ ହୋଇଥିଲା । ପୁରୀ- ଓଖା ଏକ୍ସପ୍ରେସରେ ସୁରଟ ଯିବାକୁ ଏହି ଦୁଇ ଅଭିଯୁକ୍ତ ଟ୍ରେନକୁ ଅପେକ୍ଷା କରିଥିଲେ । ଗିରଫ ପରେ ଦୁଇ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଛି ।
