-
ଫିଲ୍ମରେ ବାର୍ତ୍ତା ” କରିକରାଉଥାଉ ମୁହିଁ ମୋ ବିନୁ ଅନ୍ୟ ଗତି ନାହିଁ “
କୈଳାଶ ଚନ୍ଦ୍ର ପଣ୍ଡା, ପୁରୀ
ଆନ୍ତର୍ଜାତିକ ବାଲୁକା ଶିଳ୍ପୀ ମାନସ କୁମାର ସାହୁ ପବିତ୍ର ରଥଯାତ୍ରା ଉପଲକ୍ଷେ 1ମିନିଟ 35 ସେକେଣ୍ଡ ର ବାଲୁକା ଆନିମେସନ ଫିଲ୍ମ ପ୍ରସ୍ତୁତ କରିଛନ୍ତି |
ଏହି ବାଲୁକା ଆନିମେସନ ରେ” କରିକରାଉଥାଉ ମୁହିଁ ମୋ ବିନୁ ଅନ୍ୟ ଗତି ନାହିଁ “ପ୍ରଭୁ ଶ୍ରୀଜଗନ୍ନାଥ ଙ୍କ ଲୀଳା ରେ କିପରି ରଥ ନିର୍ମାଣ ହେଉଛି କିପରି ପ୍ରଭୁ ଶ୍ରୀ ମନ୍ଦିର ରୁ ସେବାୟତ ଙ୍କ ଦ୍ୱାରା ପହଣ୍ଡି ହୋଇ ବାହାରି ବଡଦାଣ୍ଡ ରେ ସାରା ସଂସାର କୁ ଦର୍ଶନ ଦେବା ପାଇଁ ଆସିଛନ୍ତି ଏବଂ ବିଶ୍ୱ ର ସମସ୍ତ ଦୁଃଖ ନିବାରଣ କରିବା ପାଇଁ ଆଗେଇ ଆସିଛନ୍ତି ବଡଦାଣ୍ଡ କୁ ତାହା ଦର୍ଶାଇଛନ୍ତି | ସେ ନିଜ ଚକା ଆଖି ରେ ସାରା ବିଶ୍ୱ କୁ ଦେଖୁଛନ୍ତି ଏବଂ ବାହୁ ମେଲାଇ ସମସ୍ତଙ୍କୁ ରକ୍ଷା କରୁଛନ୍ତି ତାହା ଅତି ସୁନ୍ଦର ଭାବରେ ଦର୍ଶାଇଛନ୍ତି | ଏଥିରେ ମାନସ ସାହୁ ନୂଆ ଟେକ୍ନୋଲୋଜି ବ୍ୟବହାର କରିଛନ୍ତି ଯେଉଁଥିରେ ମହାରଣା ମାନେ ରଥ ନିର୍ମାଣ କରୁଥିବାର ଦୃଶ୍ୟ, ରଥ ବଡଦାଣ୍ଡ ରେ ଗଡୁଥିବାର ଦୃଶ୍ୟ ଅତି ଚିତାକର୍ଷକ ହୋଇପାରିଛି | ଏହି 1ମିନିଟ 35 ସେକେଣ୍ଡ ର ଫିଲ୍ମ ଟିକୁ ପ୍ରସ୍ତୁତ କରିବାକୁ ମାନସ ସାହୁ ଙ୍କୁ 2 ଦିନ ଲାଗିଥିଲା |
