ବାରିପଦା, ମୟୂରଭଞ୍ଜ ଜିଲ୍ଲା ବେତନଟୀ ତହସିଲ ଅନ୍ତର୍ଗତ ଫଳଝରି ଗ୍ରାମରେ ଗତକାଲି ରାତିରେ ଚୁଲିରେ ରୋଷେଇ ବେଳେ ହଠାତ୍ କେଉଁ ଆଡୁ ମାଡି ଆସିଥିଲା ଏକ ଜଙ୍ଗଲି ହାତୀ । ହାତୀକୁ ଦେଖି ଲୋକେ ଘରେ ପଶିଯାଇଥିଲେ ସୁଦ୍ଧା ହାତୀଟି ଝାଟିମାଟି ଘରଟିକୁ ଭାଙ୍ଗି ପକାଇଥିଲା । ଏହି ସମୟରେ ହାତୀଟି ଚାଳ ଓଲାରି ନଡ଼ାଗୁଡିକୁ ଆଣି ଚୁଲିରେ ପକାଇବାରୁ ହଠାତ୍ ଏହା ଜଳି ଉଠିବା ସହ ଘରକୁ ନିଆଁ ବ୍ୟାପୀ ଯାଇଥିଲା । ତେବେ କୌଣସି ପ୍ରକାରେ ଏହି ପରିବାର ନିଆଁ ଓ ହାତୀ ଦାଉରୁ ଅଳ୍ପକେ ବର୍ତି ଯାଇଛନ୍ତି ।
