ପୁରୀ, ପୁରୀ ସହରର କୁମ୍ଭାରପଡ଼ା ଥାନା ଅନ୍ତର୍ଗତ ଦର୍ଜି ପୋଖରୀ ନିକଟ ମେଡ଼ିସିନ ଷ୍ଟୋରରେ ପଶି ଦୁଇ ଦୁର୍ବୃତ ଦୋକାନ ମାଲିକଙ୍କୁ ଆକ୍ରମଣ କରିଛନ୍ତି । ଘଟଣାରେ ଦୋକାନ ମାଲିକ ଓ ତାଙ୍କ ପତ୍ନୀ ଗୁରୁତର ଭାବେ ଆହତ ହୋଇଛନ୍ତି । ଆହତ ଦମ୍ପତିଙ୍କୁ ଚିକିତ୍ସା ନିମନ୍ତେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ଖବର ପାଇ ପୋଲିସ ଘଟଣାସ୍ଥଳରେ ପହଂଚି ଛାନଭିନ୍ ଆରମ୍ଭ କରିଛି ।
ପ୍ରକାଶ ଥାଉ କି, କିଛି ଦିନ ପୂର୍ବେ ସେହି ଅଂଚଳରେ ଜଣେ ଚଷମା ଦୋକାନୀଙ୍କୁ କେତେକ ଦୁର୍ବୃତ ଦାଦା ବଟି ମାଗିବା ସହ ତାଙ୍କ ଉପରେ ଆକ୍ରମଣ ଓ ଦୋକାନ ଭଙ୍ଗାରୁଜା କରିଥିବା ନେଇ ଥାନାରେ ଅଭିଯୋଗ ହୋଇଥିଲା ।
