ଖୋର୍ଦ୍ଧା, ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ୍ ଅନ୍ତର୍ଗତ ଦେଉଳି ପଚାଂୟତର ବଙ୍ଗେଇ ଜଙ୍ଗଲରେ ଏକ ଆହତ ହାତୀକୁ ଠାବ କରାଯାଇଛି । ବନ ବିଭାଗ ପକ୍ଷରୁ ଆହତ ହାତୀଟିକୁ ଟ୍ରାଙ୍କୁଲାଇଜ୍ କରାଯିବା ସହ ଚିକିତ୍ସା ଜାରୀ ରହିଛି ।ଗୋଡ଼ରେ ଖୁଂଟା ପଶି ଆହତ ହୋଇଥିବା ଏହି ହାତୀଟିକୁ ଗତ ୨୩ ତାରିଖରେ କିଛି ସ୍ଥାନୀୟ ଲୋକ ଦେଖି ଏ ସମ୍ପର୍କରେ ବନ ବିଭାଗ କାର୍ଯ୍ୟାଳୟକୁ ଜଣାଇଥିଲେ । ବନ ବିଭାଗ ଗତ ରାତିରେ ହାତୀଟିକୁ ଠାବ କରିଥିଲା । ହାତୀଟିକୁ ଟ୍ରାଙ୍କୁଲାଇଜ୍ କରାଯିବା ପରେ ଏବେ ତାର ଚିକିତ୍ସା ଚାଲିଛି । ହାତୀଟି ସୁସ୍ଥ ହେବା ପରେ ତାକୁ ଜଙ୍ଗଲରେ ଛଡାଯିବ ବୋଲି ବନ ବିଭାଗ ପକ୍ଷରୁ ସୂଚନା ମିଳିଛି ।
