ବିଶ୍ବ ଡାକ୍ତର ଦିବସ ଅବସରରେ ରୋଟାରୀ ୩୨୬୨ର ଜିଲ୍ଲା ଗର୍ଭର୍ଣ୍ଣର ଶାନ୍ତନୁ ପାଣିଙ୍କ ପରାମର୍ଶକ୍ରମେ ରୋଟାରୀ କ୍ଲବ ପୁରୀ ସାଗର ପକ୍ଷରୁ ୧୭ ଜଣ ଡାକ୍ତରମାନଙ୍କୁ କୋଭିଡ଼ ଯୋଦ୍ଧା ଭାବେ ସମ୍ମାନୀତ କରାଯାଇଛି। ଚଳିତବର୍ଷ କ୍ଲବର ନୂତନ ସଭାପତି ରୋଟାରିଆନ୍ ସରୋଜ ପାଣିଗ୍ରାହୀଙ୍କ ଅଧ୍ୟକ୍ଷତାରେ ସମ୍ପାଦକ ଅରୁଣକାନ୍ତ ଗଜେନ୍ଦ୍ର, ଚାର୍ଟର ସଭାପତି ଅଶୋକ ପାତ୍ରଙ୍କ ନେତୃତ୍ବରେ ଶ୍ୟାମ କାହ୍ନା ପଟ୍ଟନାୟକ, ଶ୍ୟାମସୁନ୍ଦର ମହାପାତ୍ର, ଦାମୋଦର ମହାନ୍ତି, ଲକ୍ଷ୍ମୀକାନ୍ତ ନନ୍ଦ ପ୍ରମୁଖ ପୁରୀ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡା. ସୁଜାତା ମିଶ୍ରଙ୍କୁ ସମ୍ମାନୀତ କରିଥିଲେ। ସେହିପରି କରୋନା ସଂକ୍ରମିତ ହୋଇ ମୃତ୍ୟୁବରଣ କରିଥିବା ଡା. ସୁଶାନ୍ତ ପଣ୍ଡାଙ୍କୁ ମରଣୋତ୍ତର ସମ୍ମାନ ତାଙ୍କ ପତ୍ନୀଙ୍କୁ ପ୍ରଦାନ କରାଯାଇଥିଲା। ଏହା ସହିତ ଡା. ଦେବଦୁଲ୍ଲଭ ନାୟକ, ଡା. ସନ୍ତୋଷ କୁମାର ମିଶ୍ର, ଡା. ସତ୍ୟଜିତ ମହାନ୍ତି, ଡା. ଅନ୍ନବ ପଟ୍ଟନାୟକ, ଡା. ଶୁଭ୍ରାକାଳୀ ପରମଗୁରୁ, ଡା. ସୋମାଲି ପାଢ଼ୀ, ଡା. ଶୁଶ୍ରୀ ସଦ୍ଭାବନା ଦାସ, ଡା. ଜସସ୍ବୀ ଦାସ, ଡା. ତାପସ ରଞ୍ଜନ ସାହୁ, ଡା. ସତ୍ୟଜିତ ସାହୁ, ଡା. ସନତ କୁମାର ମହାପାତ୍ର, ଡା. ସୁନୀଲ ତରାଇ, ଡା. ଦିପ୍ତେଶ ସାହୁ, ଡା. ସୌମ୍ୟ ମିଶ୍ର ଏବଂ ଡା. ସଂଗ୍ରାମ କେଶରୀ ରାୟଙ୍କୁ ସମ୍ମାନୀତ କରାଯାଇଥିଲା।
