କୈଳାଶ ଚନ୍ଦ୍ର ପଣ୍ଡା, ପୁରୀ ,୨୩/୦୬/୨୦୨୧,
ଆଜି ପବିତ୍ର ଦେବ ସ୍ନାନ ପୂର୍ଣ୍ଣିମା |ସ୍ନାନ ପୂର୍ଣ୍ଣିମା ପାଇଁ ସ୍ନାନବେଦୀ ପ୍ରସ୍ତୁତ ସରିଛି | ସ୍ନାନ ଜଳ ପାଇଁ ସୁନା କୂଅରୁ ଉଠିଲା ଢାଙ୍କୁଣୀ |ସ୍ନାନ ପୂର୍ଣ୍ଣିମା ଅବସରରେ ସହରର ବିଭିନ୍ନ ସ୍ଥାନରେ ପ୍ରଶାସନ ପକ୍ଷରୁ ୧୪୪ ଧାରା ଜାରି କରାଯାଇଛି । କରୋନା ମହାମାରୀକୁ ଦୃଷ୍ଟିରେ ରଖି ଜନ ସମାଗମକୁ ବାରଣ କରିବା ଉଦ୍ଦେଶ୍ୟରେ ପ୍ରଶାସନ ପକ୍ଷରୁ ଏହି କଟକଣା ଜାରି କରାଯାଇଛି ।
ଏହି କଟକଣା ବୁଧବାର ୨୩ ତାରିଖ ରାତ୍ର ୧୦ ଘଟିକାରୁ ୨୫ ତାରିଖ ଭୋର ୨ ଘଟିକା (10 PM of 23.06.2021 to 2PM of 25.06.2021) ପର୍ଯ୍ୟନ୍ତ ବଳବତ୍ତର ରହିବ । କେବଳ ଅନୁମତି ପ୍ରାପ୍ତ ବ୍ୟକ୍ତିବିଶେଷଙ୍କ ବ୍ୟତୀତ ଅନ୍ୟ କାହାରିକୁ ପ୍ରବେଶାନୁମତି ଦିଆଯିବ ନାହିଁ |
ସୁରକ୍ଷା ଓ କଟକଣା କୁ କଡାକଡି ପାଳନ କରାଯିବା ପାଇଁ ପୋଲିସ ଛାଉଣୀ ରେ ପୁରୀ ସହର |ଏହି ଆଦେଶର ଉଲଙ୍ଘନକାରୀଙ୍କ ବିରୁଦ୍ଧରେ ପୋଲିସ ପ୍ରଶାସନ ତରଫରୁ ଆଇନ ଅନୁଯାୟୀ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
