ଜଗନ୍ନାଥ ପ୍ରସାଦ, ଚିତ୍ତରଞ୍ଜନ ଗନ୍ତାୟତ
ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ବ୍ଲକ କାଦୁଆ ପଞ୍ଚାୟତ ର ନରେନ୍ଦ୍ରପୁର ଗ୍ରାମରେ ଅଗ୍ନିକାଣ୍ଡ ରେ ଜଳିଗଲା ତିନି ବଖରା ଘର । ପରିବାର ଲୋକେ ଚାଷ କାର୍ଯ୍ଯ ରେ ବ୍ୟସ୍ତ ଥିବା ସମୟରେ ବିଦ୍ୟୁତ ସର୍ଟସର୍କିଟ ରୁ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି ।ଅଗ୍ନିକାଣ୍ଡ ରେ ସମ୍ପୁର୍ଣ୍ଣ ଘର ସହ ସମସ୍ତ ଆସବାବ ପତ୍ର ଓ ଧାନ ଚାଉଳ ଜଳି ପାଉଁଶ ହୋଇଯାଇଛି । ଇନ୍ଦ୍ରଇନ୍ଦ୍ରମଣି ଗୌଡ, ଚରଣ ଗୌଡ ଓ ବାହାନା ଗୌଡ ଙ୍କ ଘର ପୋଡ଼ି ଯାଇଥିବା ସୁଚନା ମିଳିଛି । ଘଟଣା ସ୍ଥଳରେ ଜଗନ୍ନାଥ ପ୍ରସାଦ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ । କାଦୁଆ ଆର ଆଇ ପହଞ୍ଚିବା ସହ ଜଗନ୍ନାଥ ପ୍ରସାଦ ତହସିଲଦାର ଙ୍କ ସହ ଯୋଗାଯୋଗ କରି ସହାୟତା ରାଶି ପ୍ରଦାନ କରାଯିବ ବୋଲି ସୂଚନା ଦେଇଥିଲେ ।
