ବାଲେଶ୍ୱରରେ ବାତ୍ୟା ୟସ୍ ଜନିତ କ୍ଷୟକ୍ଷତିର ରିପୋର୍ଟ ପ୍ରଦାନ କଲା ଜିଲ୍ଲା ପ୍ରଶାସନ : ୧୨ ବ୍ଲକରେ ୨୭୨୨ ଗାଁ ପ୍ରଭାବିତ 

ବାଲେଶ୍ୱର, ବାଲେଶ୍ୱରରେ ବାତ୍ୟା ୟସ୍ ଜନିତ କ୍ଷୟକ୍ଷତିର ରିପୋର୍ଟ ପ୍ରଦାନ କରିଛି ଜିଲ୍ଲା ପ୍ରଶାସନ ।  ଜିଲ୍ଲାର ୧୨ଟି ବ୍ଲକରେ ୨୭୨୨ଟି ଗାଁ ବାତ୍ୟାରେ ପ୍ରଭାବିତ ହୋଇଥିବା ରିପୋର୍ଟରେ ଦର୍ଶାଯାଇଛି । ସେହିପରି ମୋଟ୍ ୧୯ ଲକ୍ଷ ୨୩ ହଜାର ୬୯୯ ଜଣ ବାତ୍ୟାରେ ପ୍ରଭାବିତ ହୋଇଛନ୍ତି । ୪୦ଟି କଚ୍ଚା ଘର ସମ୍ପୂର୍ଣ୍ଣ ଭାଙ୍ଗିବା ସହ ୪,୮୦୯ଟି ଘର କ୍ଷତିଗ୍ରସ୍ତ ହୋଇଛି । ଭାଙ୍ଗିଥିବା ଘରର ମୂଲ୍ୟ ୧ କୋଟି ୯୭ ଲକ୍ଷ ୮୩ ହଜାରରୁ ଅଧିକ ଥିବା ଆକଳନ କରାଯାଇଛି । ବାତ୍ୟାରେ ୨୪,୫୦୦ ରୁ ଉର୍ଦ୍ଧ୍ୱ ପକ୍ଷୀଙ୍କ ମୃତ୍ୟୁ ହୋଇଥିବା ଉଲ୍ଲେଖ କରାଯାଇଛି ।