ଜୁଆ ଆଡ୍ଡା ଉପରେ ଚଢ଼ଉ  : ୪ ମହିଳାଙ୍କ ସମେତ ୧୮ ଜୁଆଡ଼ି ଗିରଫ 

ଗଞ୍ଜାମ,  ଗଞ୍ଜାମ ଜିଲ୍ଲା କୁକୁଡ଼ାଖଣ୍ଡି ଅଂଚଳର ପ୍ରଦୀପ ସାହୁଙ୍କ ଶ୍ରୀକ୍ଷେତ୍ର ବିହାର ଠାରେ ଥିବା ଏକ ଘରେ ବଡ଼ ଧରଣର ଜୁଆ ଆଡ୍ଡା ଚାଲିଥିବା ବ୍ରହ୍ମପୁର ସଦର ପୋଲିସ ଖବର ପାଇ ଗତକାଲି ରାତିରେ ସେଠାରେ ଚଢ଼ଉ କରିଥିଲା । ଏହି ଜୁଆ ଆଡ୍ଡାରୁ ୪ ଜଣ ମହିଳାଙ୍କ ସମେତ ୧୮ ଜଣ ଜୁଆଡ଼ିଙ୍କୁ ପୋଲିସ ଗିରଫ କରିଛି । ସେମାନଙ୍କ ଠାରୁ ୧ ଲକ୍ଷ ୭ ହଜାର ୪୯୦ ଟଙ୍କା ଜବତ କରିଛି ପୋଲିସ । ୧୭ଟି ମୋବାଇଲ ଓ ୨ଟି ବାଇକ୍ ମଧ୍ୟ  ଜବତ କରିଛି ପୋଲିସ । ଏ ସଂକ୍ରାନ୍ତରେ ବ୍ରହ୍ମପୁର ସଦର ପୋଲିସ ଥାନାରେ ୬୧/୨୧ ରେ ଏକ ମାମଲା ରୁଜ୍ଜୁ ହୋଇଛି ।