ଭଦ୍ରକ, ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ୍ ଅନ୍ତର୍ଗତ ତେନ୍ତୁଳିଡ଼ିହି ପଚାଂୟତର ତେନ୍ତୁଳିଡ଼ିହି ଗ୍ରାମରେ ଗତକାଲି ବିଳମ୍ବିତ ରାତିରେ ଏକ ରନ୍ଧନ ଗ୍ୟାସ୍ ସିଲିଣ୍ଡର ଫାଟି ୫ ଟି ପରିବାରର ୧୨ ବଖରା ଘର ଜଳି ପୋଡି ପାଉଁଶ ହୋଇଯାଇଛି । ଅଗ୍ନିକାଣ୍ଡରେ ଏସବୁ ପରିବାରର ଲକ୍ଷାଧିକ ଟଙ୍କା ମୂଲ୍ୟର ସାମଗ୍ରୀ ଓ ଆସବାବପତ୍ର ପୋଡ଼ି ପାଉଁଶ ହୋଇଯାଇଛି । ଗ୍ରାମବାସୀ ମାନେ ଅଗ୍ନିଶମ ବାହିନୀକୁ ଖବର ଦେବା ସହ ନିଆଁ ଲିଭାଇବାରେ ସହାୟତା କରିଥିଲେ । ପ୍ରଥମେ ଗୋଟିଏ ଗାଡି ସେଠାରେ ପହଂଚି ଯାହାକି ନିଆଁ ଲିଭାଇବାରେ ସଫଳ ହୋଇପାରିନଥିଲା । ପରେ ଅନ୍ୟ ତିନୋଟି ଗାଡ଼ି ପହଂଚି ନିଆଁକୁ ଆୟତ କରିଥିଲା । ଫଳରେ ଅନ୍ୟ ଘର ଗୁଡିକ ନିଆଁ ଦାଉରୁ ରକ୍ଷା ପାଇଯାଇଥିଲା । ଅଗ୍ନି ବିପନ୍ନ ମାନେ ନିଜର ପିନ୍ଧା ଲୁଗା ବ୍ୟତୀତ ନିଆଁରୁ ଆଉ କିଛି ଉଦ୍ଧାର କରିପାରିନାହିଁନ୍ତି । ଅଗ୍ନି ବିପନ୍ନ ପରିବାର ମାନେ ହେଲେ ଜଗବନ୍ଧୁ ଦାଶ, ପଚାଂନନ ଦାଶ ଓ କୈଳାସ ଦାସ, ଭଞ୍ଜ ଦାଶ, ବଗଲା ଦାଶ । ବିପନ୍ନ ପରିବାର ମାନଙ୍କୁ ତୁରନ୍ତ ସରକାରୀ ସହାୟତା ଯୋଗାଇ ଦିଅ।ଯାଉ ବୋଲି ଗ୍ରାମବାସୀ ଦାବି କରିଛନ୍ତି ।
