କନ୍ଧମାଳ – କନ୍ଧମାଳ ଜିଲ୍ଲାରେ ଗତ ୨୪ ଘଣ୍ଟା ମଧ୍ୟରେ ଆଉ ୧୩୨ ଜଣ ନୂଆ କୋଭିଡ ସଂକ୍ରମିତଙ୍କୁ ଚିହ୍ନଟ କରାଯାଇଛି । ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ ଫୁଲବାଣୀ ପୌରାଂଚଳରୁ ୮ ଜଣ ଏବଂ ଗ୍ରାମାଂଚଳରୁ ୧୦ ଜଣଙ୍କୁ ମିଶାଇ ମୋଟ୍ ୧୮ ଜଣଙ୍କୁ ଚିହ୍ନଟ କରାଯାଇଥିବା ବେଳେ ବାଲିଗୁଡା ବିଜ୍ଞାପିତ ଅଂଚଳରୁ ୧୦ ଜଣ ଏବଂ ଗ୍ରାମାଂଚଳରୁ ୪ ଜଣଙ୍କ ସମେତ ମୋଟ ୧୪ ଜଣ ରହିଥିବାବେଳେ ଚକାପାଦର ୩ ଜଣ, ଦାରିଙ୍ଗବାଡିର ୫, ଘୁ.ଉଦୟଗିରିର ୪ ଜଣ, କ.ନୂଆଗାଁର ୮ ଜଣ, ଖଜୁରିପଡାର ୭ ଏବଂ ଆଜି କନ୍ଧମାଳ ଜିଲ୍ଲା କୋଟଗଡ ବ୍ଳକର ସର୍ବାଧିକ ୨୭ ଜଣ ସଂକ୍ରମିତଙ୍କୁ ଚିହ୍ନଟ କରାଯାଇଛି । ସେହିପରି ଜିଲ୍ଲାର ଫିରିଙ୍ଗିଆ ବ୍ଳକର ୪ ଜଣ, ରାଇକିଆର ୨୧ ଜଣ, ଟିକାବାଲିର ୬ ଜଣ, ତୁମୁଡିବନ୍ଧର ୧୧ ଜଣ ଏବଂ ଜିଲ୍ଲା ବାହାରେ ୩ ଜଣ ସଂକ୍ରମିତଙ୍କୁ ଚିହ୍ନଟ କରାଯାଇଥିବା ନେଇ ଜିଲ୍ଲା ପ୍ରଶାସନ ସୂତ୍ରରୁ ଜଣାପଡିଛି । ଏମାନଙ୍କୁ ମିଶାଇ ଜିଲ୍ଲାରେ ମୋଟ୍ ସଂକ୍ରମିତଙ୍କ ସଂଖ୍ୟା ୮,୩୨୪ ରେ ପହଂଚିଛି । ଆଜି ସୁଦ୍ଧା ଜିଲ୍ଲାରେ ମୋଟ୍ ୭,୩୯୩ ଜଣ ସଂକ୍ରମିତ ସୁସ୍ଥ ହୋଇ ଘରକୁ ଫେରିଛନ୍ତି । ଜିଲ୍ଲାରେ କୋଭିଡ ସଂକ୍ରମଣରେ ମୃତ୍ୟୁ ସଂଖ୍ୟା ୩୮ ରେ ରହିଥିବାବେଳେ ଆଉ ୮୯୩ ଜଣ ସଂକ୍ରମିତ ପୃଥକ ବାସରେ ଏବଂ ହସ୍ପିଟାଲରେ ଚିକିତ୍ସାଧିନ ଅଛନ୍ତି ।
