ଧର୍ମଶାଳା – ଆଜି ହେଉଛି ଗ୍ରହରାଜ ଶନିଶ୍ଚର ମହାଯଜ୍ଞ । ଯାଜପୁର ଜିଲାରେ ଦିନକୁ ଦିନ ବଢିବାରେ ଲାଗିଛି କରୋନା ଆକ୍ରାନ୍ତଙ୍କ ସଂଖ୍ୟା । ଏହି ଅବସରରେ ଧର୍ମଶାଳା ଥାନା ଅନ୍ତର୍ଗତ ବିଭିନ୍ନ ପଂଚାୟତରେ ନିରାଡମ୍ବରେ ପାଳିତ ପୂଜାର୍ଚ୍ଚନା ହୋଇଛି । ଦେଓଦା ପଂଚାୟତସ୍ଥ ନିରଙ୍ଗହାଟ,ବ୍ରହ୍ମବରଦା ପଂଚାୟତ ସାପ୍ତାହିକ ହାଟ ଓ ବନ୍ଧଡିହ ପଂଚାୟତ ବନ୍ଧଡିହଠାରେ ବିନା ଭକ୍ତଙ୍କ ଉପସ୍ଥିତିରେ ଗ୍ରହରାଜଙ୍କୁ ପୂଜାର୍ଚ୍ଚନା କରାଯାଇଛି । କେବଳ ପୂଜକ ଆଜି ପାହାନ୍ତାରେ ଶନି ଦେବଙ୍କୁ ପୂଜା କରିଥିଲେ । କେବଳ କର୍ତା ଶନିଙ୍କ ଉପରେ ଜଳାଭିଷେକ କରିଥିଲେ । କିପରି ଭକ୍ତମାନେ ଏହି ମହାଯଜ୍ଞକୁ ନ ଆସି ଏନେଇ ଅନୁଷ୍ଠାନ ପକ୍ଷରୁ ପୂର୍ବରୁ ସୂଚନା ଦିଆଯାଇଥିଲା । ବ୍ରହ୍ମବରଦା ଫାଣ୍ଡି ଅଧିକାରୀ ଏସ୍ ଦାଶରଥୀ ପାତ୍ର ଏହି ସମସ୍ତ ସ୍ଥାନ ଉପରେ ନଜର ରଖିଥିଲା । ଚଳିତ ବର୍ଷ ଭକ୍ତମାନେ ଗ୍ରହରାଜଙ୍କ ଉପରେ ଜଳାଭିଷେକ କରିବାରୁ ବଂଚିତ ହୋଇଥିବାରୁ ଘରେ ଘରେ ଭକ୍ତମାନେ ପୂଜାର୍ଚ୍ଚନା କରିଥିବା ଜଣାପଡିଛି ।
