ଭଦ୍ରକ- ଆଜି ଭଦ୍ରକ ସ୍ୱୟଂଶାସିତ ମହାବିଦ୍ୟାଳୟ ପରିସରରେ ଜିଲ୍ଳାସ୍ତରୀୟ ବିଦ୍ୟାଳୟ ସମୂହ ବାସ୍କେଟବଲ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହି ପ୍ରତିଯୋଗିତାକୁ ଶାରୀରିକ ଶିକ୍ଷା ଅଧିକାରୀ ଗଜେନ୍ଦ୍ର ଭାରତୀ ଉଦଘାଟନ କରିଥିଲେ । ସମ୍ମାନିତ ଅତିଥି ଭାବେ ପୂର୍ବତନ କ୍ରୀଡ଼ା ଶିକ୍ଷାଧିକାରୀ ଶ୍ୟାମସୁନ୍ଦର ମହାରାଜ ଏବଂ ହେମନ୍ତ କୁମାର ଜେନା ଯୋଗ ଦେଇ ପିଲାମାନଙ୍କୁ ଉତ୍ସାହିତ କରିଥିଲେ । ଉକ୍ତ ପ୍ରତିଯୋଗିତାକୁ ଏସବିଡ଼ି ସ୍କୁଲର କ୍ରୀଡ଼ା ଶିକ୍ଷକ ମନୋଜ କୁମାର ସାହୁ ପରିଚାଳନା କରିଥିବା ବେଳେ ମନୋଜ ମହାନ୍ତି, ରିକି ମହାନ୍ତି, ସ୍ମୃତି ରଂଜନ ଦାସ ସହଯୋଗ କରିଥିଲେ । ଏହି ପ୍ରତିଯୋଗିତାରେ ୪୦ଜଣ ପ୍ରତିଯୋଗୀ ଭାଗ ନେଇଥିଲେ । ସେମାନଙ୍କ ମଧ୍ୟରୁ ୧୨ଜଣ ଖେଳାଳିଙ୍କୁ ରାଜ୍ୟସ୍ତରୀୟ କ୍ରୀଡ଼ା ପାଇଁ ମନୋନୀତ କରାଯାଇଥିଲା ।ଏହି ଖେଳାଳିମାନେ ଆସନ୍ତା ୪ ତାରିଖ ଭୁବନେଶ୍ୱରର ୟୁନିଟ -୧ରେ ହେବାକୁ ଥିବା ରାଜ୍ୟସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିବେ ।
