ଜୟପୁର– କୋରାପୁଟ ଜିଲା କୁନ୍ଦୁରା ଥାନା ଅନ୍ତର୍ଗତ ଖଟଲାପଦର ବ୍ରିଜ ନିକଟରେ ଗୋଟିଏ ନମ୍ବର ବିହିନ ମହେନ୍ଦ୍ରା ବୋଲେରୋ ଗାଡିରେ ଗଞ୍ଜେଇ ଚାଲାଣ ହେଉଥିବା ବେଳେ ପୋଲିସ ଚଢାଉ କରିଛି । ଚଢାଉ କରି ୪୪୫ କେଜି ୮ ଶହ ଗ୍ରାମ ଗଞ୍ଜେଇ ଜବତ କରିଛି । ଯାହାର ଆନୁମାନିକ ମୁଲ୍ୟ ୪୦ ଲକ୍ଷ ଟଙ୍କା ହେବ । ଗଞ୍ଜେଇ ସହ ବେଲେରୋ ଗାଡି ମୋବାଇଲ ଫୋନ ଜବତ କରିଛି । ଏହି ଘଟଣା ରେ ଜଣକୁ ଗିରଫ କରାଯାଇଛି । ଗିରଫ ଅଭିଯୁକ୍ତ ଜଣକ ହେଲେ ମାଛକୁଣ୍ଡ ଥାନା ଅନ୍ତର୍ଗତ ବୋଲେଇ ଗାଁର ସୁରେଶ ବିଷୋୟୀ (୨୦) । ଡ୍ରାଇଭର ମଙ୍ଗଳା ଖରା ଚମ୍ପଟ ମାରିଛି । କୁନ୍ଦୁରା ଥାନା ଅଧିକାରି ଶେଷ ଦେବ ବେହେରା ଖବର ପାଇ ଗଞ୍ଜେଇ ଲମତାପୁଟ ଠାରୁ ଜଗଦଲପୁର ଭାୟା କୁନ୍ଦୁରା ଦେଇ ଚାଲାଣ ହେଉଥିବାବେଳେ ପୋଲିସ ଚଢାଉ କରିଥିଲା । ପୋଲିସକୁ ଦେଖି ଜଙ୍ଗଲ ରାସ୍ତା ଦେଇ ଡ୍ରାଇଭର ଚମ୍ପଟ ମାରିଥିଲା ।
