କୋରେଇ – ପାଣିକୋଇଲିର ଅଗ୍ରଣୀ ସଙ୍ଗଠନ ବରିଷ୍ଠ ନାଗରିକ ମଂଚ ପକ୍ଷରୁ ଅଭାସି କାର୍ଯ୍ୟକାରୀ ବୈଠକରେ କରୋନା ସଚେତନତା ବାର୍ତା ଦିଆଯାଇଛି । ସଭାପତି ନୃସିଂହ ଚରଣ ଦଳାଇଙ୍କ ସଭାପତିତ୍ୱରେ ଅନୁଷ୍ଠିତ ଆଭାସୀ କାର୍ଯ୍ୟକାରୀ ବୈଠକରେ ସମ୍ପାଦକ ସୁରେନ୍ଦ୍ର ରାୟ ସମସ୍ତଙ୍କୁ ସ୍ୱାଗତ କରିବା ସହ କରୋନାର ଦ୍ୱିତୀୟ ଲହରୀର ଭୟବହତା ବିଷୟରେ ସଚେତନ କରାଇ ସରକାର ତଥା ବିଶେଷଜ୍ଞ ମାନଙ୍କ ମାନଙ୍କର ସମସ୍ତ ପରାମର୍ଶକୁ ସଠିକ ଭାବେ ପାଳନ କରିବାକୁ ପରାମର୍ଶ ଦେଇଥିଲେ । ନିଜେ ସର୍ତକ ରହିବା ସହ ପାଖ ପଡୋଶୀଙ୍କୁ ଯଥା ସମ୍ଭବ ସର୍ତକ ରହିବାକୁ କହିବାକୁ ନିବେଦନ ରଖିଥିଲେ । ଅତି ଆବଶ୍ୟକ ନପଡିଲେ ବାହାରକୁ ନଯିବାକୁ ଓ ସର୍ବଦା ତ୍ରୀସୂତ୍ରୀ ମନ୍ତ୍ର ଯଥା ସାମାଜିକ ଦୂରତା, ମାସ୍କ ପରିଧାନ ଓ ବାରମ୍ବାର ହାତଧୋଇବାକୁ ଅନୁରୋଧ କରିଥିଲେ । ଏହି ଆଲୋଚନାରେ ପ୍ରଧ୍ୟାପକ ଉମାକାନ୍ତ ଖଣ୍ଡାଇ, ସତ୍ୟାନନ୍ଦ ମହାରଣା, ବୈଷ୍ଣବ ଚରଣ ସାହୁ, ମଦନ ମୋହନ ବେହେରା, ଗୋକୁଳାନନ୍ଦ ମହାରଣା, ନିରଂଜନ ରାଉତ, ନାରାୟଣ ସାହୁ, ଚନ୍ଦ୍ରମଣି ସ୍ୱାଇଁ, ରାମ ଚନ୍ଦ୍ର ମଲିକ, ନରେନ୍ଦ୍ର ଘଡାଇ, ରାମ ଚନ୍ଦ୍ର ବେହେରା, ଅଦୈତ ଚରଣ ଦାଶ, ରଘୁନାଥ ମାଝୀ, ଚନ୍ଦ୍ରମଣି ବେହେରା ଓ ଉତ୍ସବ ମହାରଣା ପ୍ରମୁଖ ଅଂଶ ଗ୍ରହଣ କରି କରୋନାର ଭୟବହତାକୁ ଅନୁଭବ କରି ସଚେତନ ତଥା ସତର୍କ ରହିବାକୁ ଶପଥ ନେଇଥିଲେ ।
