ଭଦ୍ରକ – ଆଜି ବେସରକାରୀ ବିଦ୍ୟାଳୟ ମହାସଂଘ ଓ ଲାୟନ୍ସ କ୍ଲବ୍ର ମିଳିତ ଆନୁକୂଲ୍ୟରେ ଜିଲାସ୍ତରୀୟ ଦୁଇଦିନିଆ ଶିଶୁ ମହୋସôବ ମହକ ଉଦ୍ଘାଟିତ ହୋଇଛି । ସ୍ଥାନୀୟ ସହୀଦ ସ୍ମୃତି ଭବନରେ ଆୟୋଜିତ ଏହି କାର୍ଯ୍ୟକ୍ରମରେ ବେସରକାରୀ ସ୍କୁଲ ଓ ଶିକ୍ଷକ ସଂଘ ସଭାପତି ଅଶୋକ ମହାନ୍ତି ଅଧ୍ୟକ୍ଷତା କରିଥିବାବେଳେ ଲାୟନ୍ସ କ୍ଲବ୍ ସଭାପତି ପ୍ରକାଶ କୁମାର ଜେନା ମୁଖ୍ୟ ଅତିଥି ଭାବେ ଯୋଗଦେଇ କୁନି କୁନି ପିଲାମାନଙ୍କୁ ସମୟାନୁବର୍ତିତା ଓ ଗୁରୁ-ଅଭିଭାବକମାନଙ୍କ ପ୍ରତି ଭକ୍ତିଭାବ ରଖିଲେ ଭବିଷ୍ୟତରେ ଜଣେ ଜଣେ ଭଲମଣିଷ ହୋଇପାରିବେ ବୋଲି କହିଥିଲେ । ଶିକ୍ଷକ ସଂଘ ସଭାପତି ଶ୍ରୀ ମହାନ୍ତି ନିଜର ଅଭିଭାଷଣରେ ପିଲାମାନଙ୍କୁ ବିଭିନ୍ନ ମହାପୁରୁଷମାନଙ୍କ ଜୀବନୀ ସଂପର୍କରେ ଉଦାହରଣ ଦେଇ ଦେଶଭକ୍ତି ଓ ନିସ୍ୱାର୍ଥପର ଭାବେ ତ୍ୟାଗର ଶିକ୍ଷା ସଂପର୍କରେ ବୁଝାଇଥିଲେ । ଏହି ଅବସରରେ କୁନି କୁନି ପିଲାମାନଙ୍କ ମଧ୍ୟରେ ଅନୁÂିତ ହୋଇଥିବା ଇଂରାଜୀ, ହିନ୍ଦୀ, ଓଡ଼ିଆ ହସ୍ତଲିଖନ, କଳା, ଚିତ୍ରାଙ୍କନ, ଓଡ଼ିଆ ଓ ଇଂରାଜୀ ବକ୍ତୃତା, ନୃତ୍ୟ, ଗୀତ ପ୍ରତିଯୋଗିତାର କୃତୀ ପିଲାମାନଙ୍କୁ ପୁରସ୍କୃତ କରିଥିଲେ । ଏହି କାର୍ଯ୍ୟକ୍ରମ ଦୁଇଦିନ ଧରି ଅନୁÂିତ ହେବ ବୋଲି ଜଣାପଡିଛି ।
