ପୁରୀ- ପୁରୀ ଜିଲ୍ଲା ସବରେଜିଷ୍ଟର କାର୍ଯ୍ୟାଳୟ ନିକଟରେ କାର୍ଯ୍ୟରତ ଷ୍ଟାମ୍ପ ଭେଣ୍ଡର ସର୍ବେଶ୍ୱର ସାହୁଙ୍କ ବୁଧବାର ଦିନ ପରଲୋକ ଘଟିଛି l ମୃତ୍ୟୁ ବେଳକୁ ତାଙ୍କୁ 53 ବର୍ଷ ହୋଇଥିଲା l ଏହି ଖବର ଶୁଣି ବହୁ ଷ୍ଟାମ୍ପ ଭେଣ୍ଡର ଦୁଃଖ ପ୍ରକାଶ କରିଥିଲେ l ତାଙ୍କ ଆତ୍ମାର ସଦଗତି କାମନା କରିଥିଲେ l ଶ୍ରୀ ସାହୁ ପ୍ରତିଦିନ ତାଙ୍କ ଗ୍ରାମ ବ୍ରହ୍ମଗିରି ବ୍ଲକ ରେବଣା ନୂଆଗାଁ ନିକଟ ଜଗନ୍ନାଥପୁରରୁ 17 କିଲୋମିଟର ରାସ୍ତା ବାଇକ୍ ରେ ପୁରୀ ଆସୁଥିଲେ l ସେ ଏଠାରେ ଷ୍ଟାମ୍ପ ଵିକ୍ରି କରୁଥିଲେ l ତାଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ବହୁ ଓକିଲ, ମୋହରିର, ସବରେଜିଷ୍ଟର ଅଫିସରେ କାର୍ଯ୍ୟରତ କର୍ମଚାରୀ ଦୁଃଖ ପ୍ରକାଶ କରିଛନ୍ତି l ଷ୍ଟାମ୍ପ ଭେଣ୍ଡର ସଂଘର ଜିଲ୍ଲା ସଭାପତି ସୁକାନ୍ତ ମହାନ୍ତି, ବିଶ୍ଵମୋହନ ମିଶ୍ର, ଦୀପକ କୁମାର ଦାସ, ଭବାନୀ ପଟ୍ଟନାୟକ, ଭାଗ୍ୟଧର ସେନାପତି ଓ ଅନ୍ୟ ସଭ୍ୟମାନେ ଗଭୀର ଶୋକ ପ୍ରକାଶ କରିଛନ୍ତି l ପୂର୍ବରୁ ବରିଷ୍ଠ ଷ୍ଟାମ୍ପ ଭେଣ୍ଡର କେଦାରନାଥ ଦାଶ (88)ଙ୍କ ପରଲୋକ ଘଟିଥିଲା l
