ବ୍ରହ୍ମପୁର –ଗତ ୨୪ଘଂଟା ମଧ୍ୟରେ ବ୍ରହ୍ମପୁର ପୋଲିସ୍ ବିଭିନ୍ନ ଯାନବାହନ ଚାଳକଙ୍କ ଠାରୁ ୧ଲକ୍ଷ ୭୭ ହଜାର ୫୦୦ ଟଙ୍କା ଚାଲାଣ ଆଦାୟ କରିଛି । ବ୍ରହ୍ମପୁର ଏସ୍ପିଙ୍କ ପକ୍ଷରୁ ଟୁଇଟ୍ କରି ଏହି ସୂଚନା ଦିଆଯାଇଛି ।
ଏହି ସମୟ ମଧ୍ୟରେ ୩୩୫ଟି ଯାନବାହନରୁ ଚାଲାଣ କଟାଯାଇଛି । ସେହିପରି ନାଇଟ୍ କର୍ଫୁ୍ୟ ଉଲ୍ଲଂଘନ ୧୮ଟି କେଶ୍ରୁ ୬ହଜାର ୩୦୦, ୧୧ଟି ଦୋକାନ ସିଲ୍ କରାଯାଇ ୭ହଜାର ୨୦୦ ଟଙ୍କା ଜୋରିମାନା ଆଦାୟ କରାଯାଇଥିବା ସୂଚନା ଦିଆଯାଇଛି । ଅପରପକ୍ଷରେ ମାକ୍ସ ନପିନ୍ଧିବା ଅଭିଯୋଗରେ ୨୮ହଜାର ୬୦୦ଟଙ୍କା ଏବଂ ସାମାଜିକ ଦୂରତା ନରଖିବା ୧୩ ବ୍ୟକ୍ତିଙ୍କ ଠାରୁ ୬ହଜାର ୭୦୦ଟଙ୍କା ଆଦାୟ କରାଯାଇଛି । ଏହି ଅବଧି ମଧ୍ୟରେ ୨ଟି ଅବକାରୀ କେଶ୍ ରୁଜୁ କରାଯାଇ ୨ଜଣଙ୍କୁ ଗିରଫ କରାଯାଇଛି ଏବଂ ୨୩ ଲିଟର ମଦ ଜବତ କରାଯାଇଛି ।
