ଭଦ୍ରକ- ଆଜି ଭଦ୍ରକ ପୁରୁଣାବଜାର ଥାନା ଅନ୍ତର୍ଗତ ୨୯ ନଂ ୱାର୍ଡ଼ର ଗରଦପୁର ମିଲ୍ ଛକ ନିକଟରେ ଏକ ପିକଅପ୍ ଭ୍ୟାନ୍ ଖରାପ ହୋଇଯିବାରୁ ଅଟକି ଯାଇଥିଲା । ସ୍ଥାନୀୟ ଲୋକେ ଏହା ମଧ୍ୟରେ ଷଣ୍ଢ ଚାଲାଣ କରାଯାଉଥିବା ଦେଖି ଭ୍ୟାନକୁ ଭଙ୍ଗାରୁଜା କରିଥିଲେ । ପରେ ଲୋକମାନେ ତନ୍ମଧ୍ୟରେ ଗୋଟିଏ ଷଣ୍ଢର ମୃତ୍ୟୁ ଘଟିଥିବା ଜାଣି ସେଠାରେ ପ୍ରାୟ ୨ ଘଂଟା ଧରି ରାସ୍ତାରୋକ କରିଥିଲେ । ଖବର ପାଇ ପୁରୁଣାବଜାର ଥାନା ପୋଲିସ ଓ ଏସଡ଼ିପିଓ ସାର୍ଥକ ରାୟ ଘଟଣାସ୍ଥଳରେ ପହଂଚି ଉତ୍ୟେକ୍ତ ଲୋକଙ୍କୁ ବୁଝାସୁଝା କରିବା ପରେ ରାସ୍ତାରୋକ ହଟିଥିଲା । ଘଟଣା ପରେ ଡ଼୍ରାଇଭର ସେଠାରୁ ଫେରାର୍ ହୋଇଯାଇଛି ।
