ନୂଆଦିଲ୍ଲୀ,ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜାତୀୟ ପ୍ରଯୁକ୍ତି ଦିବସରେ ବୈଜ୍ଞାନିକ ଏବଂ ପ୍ରଯୁକ୍ତିବିଦ୍ୟା ପ୍ରତି ଆଗ୍ରହୀ ଥିବା ଲୋକଙ୍କୁ ପ୍ରଶଂସା କରିଛନ୍ତି ।ଏକ ଟ୍ୱିଟ୍ ମାଧ୍ୟମରେ ପ୍ରଧାନମନ୍ତ୍ରୀ କହିଛନ୍ତି:“ଜାତୀୟ ପ୍ରଯୁକ୍ତି ଦିବସରେ, ଆମର ଦୃଢ ଓ କଠିନ ପରିଶ୍ରମୀ ବୈଜ୍ଞାନିକ ତଥା ପ୍ରଯୁକ୍ତିବିଦ୍ୟା ପ୍ରତି ଆଗ୍ରହୀ ବ୍ୟକ୍ତିବିଶେଷଙ୍କୁ ଆମେ ଅଭିବାଦନ ଜଣାଉଛୁ । ୧୯୯୮ ପୋଖରାନ ପରୀକ୍ଷଣକୁ ଆମେ ଗର୍ବର ସହିତ ମନେ ରଖିଛୁ, ଯେଉଁଥିରେ ଭାରତର ବୈଜ୍ଞାନିକ ଏବଂ ବୈଷୟିକ ଜ୍ଞାନ କୌଶଳର ପ୍ରଦର୍ଶନ କରାଯାଇଥିଲା ।ଯେ କୌଣସି ପ୍ରକାର ଆହ୍ୱାନମୂଳକ ପରିସ୍ଥିତିରେ, ଆମର ବୈଜ୍ଞାନିକ ଏବଂ ଉଦ୍ଭାବକମାନେ ସବୁବେଳେ ଆଗକୁ ଆସି ସୁଯୋଗକୁ ହାତଛଡା ନକରି ଆହ୍ୱାନଗୁଡିକୁ ମୁକାବିଲା କରିଥାନ୍ତି । ଗତ ଏକ ବର୍ଷ ମଧ୍ୟରେ, ସେମାନେ କୋଭିଡ-୧୯ ସହିତ ଲଢିବା ଲାଗି କଠିନ ପରିଶ୍ରମ କରିଛନ୍ତି । ମୁଁ ସେମାନଙ୍କର ଦୃଢତା ଏବଂ ଉଲ୍ଲେଖନୀୟ ଉତ୍ସାହକୁ ପ୍ରଶଂସା କରୁଛି” ।
