କନ୍ଧମାଳ, କନ୍ଧମାଳ ଜିଲ୍ଲାରେ କରୋନାର ଦ୍ୱିତୀୟ ଲହର ଜାରୀ ରହିଛି । ଜିଲ୍ଲାରୁ ଆଜି ନୂଆ ୪୫ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଜିଲ୍ଲାରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୬୪୪୭ କୁ ବୃଦ୍ଧି ପାଇଛି । ନୂଆ ଚିହ୍ନଟ ଏହି ୪୫ ଆକ୍ରାନ୍ତଙ୍କ ମଧ୍ୟରେ ଫୁଲବାଣୀ ବ୍ଲକରୁ ୧୭ ଜଣ, ବାଲିଗୁଡ଼ାରୁ ୬, ଚକାପାଦରୁ ଜଣେ, ଘୁ. ଉଦୟଗିରିର ୪ ଜଣ, କେ. ନୂଆଗାଁରୁ ୬, ରାଇକିଆ ବ୍ଲକରୁ ଜଣେ, ଦାରିଙ୍ଗବାଡ଼ିରୁ ୫ ଜଣ, ତୁମୁଡ଼ିବନ୍ଧରୁ ଜଣେ, କୋଟଗଡ଼ରୁ ୨ ଜଣ, ଚକାପାଦ ବ୍ଲକରୁ ଜଣେ ଏବଂ ଜିଲ୍ଲାର ଜଣେ ସିଆରପିଏଫ ଯବାନ ବାହାର ରାଜ୍ୟରେ ପଜିଟିଭ୍ ଚିହ୍ନଟ ହୋଇଥିବା ନେଇ ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ତେବେ ଗତକାଲି ସୁଦ୍ଧା ମୋଟ୍ ଆକ୍ରାନ୍ତଙ୍କ ମଧ୍ୟରୁ ୬୦୬୭ ଜଣ ସୁସ୍ଥ ହୋଇଛନ୍ତି । ଅଦ୍ୟାବଧି ଜିଲ୍ଲାରେ କରୋନାଜନିତ ମୃତ୍ୟୁ ସଂଖ୍ୟା ୩୫ ରହିଥିବା ବେଳେ ୩୨୫ ଜଣ ସଂକ୍ରମିତ ଚିକିତ୍ସାଧିନ ଅବସ୍ଥାରେ ରହିଛନ୍ତି ।
