ଗଞ୍ଜାମ, ଗଞ୍ଜାମ ଜିଲ୍ଲା ଆସିକା ଥାନା ଘଟଖୁରୀ ଗ୍ରାମରେ ଗତକାଲି ସଂନ୍ଧ୍ୟାରେ ବଜ୍ରପାତରେ ଗୋପାଳକ ଗୁଣ୍ଡିଚା ଗୌଡ଼ଙ୍କ ମୃତ୍ୟୁ ଘଟିଛି । ଏଥିସହ ବଜ୍ରାଘାତରେ ୬ଟି ଗାଈ, ୭ ବାଛୁରୀ ଓ ଦୁଇଟି ଛେଳିଙ୍କ ମୃତ୍ୟୁ ଘଟିଛି । ଗୁଣ୍ଡିଚା ଗାଈ ଚରାଇ ସଂନ୍ଧ୍ୟାରେ ଗୋଠ ସହ ଘରକୁ ଫେରୁଥିବା ବେଳେ କାଳବୈଶାଖୀ ପ୍ରଭାବରେ ଘଡ଼ଘଡ଼ି ସହିତ ବର୍ଷା ଆରମ୍ଭ ହୋଇଥିଲା । ଏହି ସମୟରେ ବଜ୍ରପାତରେ ଘଟଣାସ୍ଥଳରେ ଗାଈ ବାଛୁରୀ ଓ ଛେଳିଙ୍କ ମୃତ୍ୟୁ ଘଟିଥିଲା । ପରିବାର ଲୋକେ ଗୁଣ୍ଡିଚାଙ୍କୁ ଗୁରୁତର ଅବସ୍ଥାରେ ସେଠାରୁ ଉଦ୍ଧାର କରି ଚିକିତ୍ସା ନିମନ୍ତେ ଆସିକା ଉପଖଣ୍ଡ ଡ଼ାକ୍ତରଖାନାକୁ ଆଣିଥିଲେ । ଚିକିତ୍ସଧିନ ଅବସ୍ଥାରେ ଡ଼ାକ୍ତରଖାନାରେ ଗୁଣ୍ଡିଚାଙ୍କ ମୃତ୍ୟୁ ଘଟିଛି । ଏନେଇ ଆସିକା ଥାନା କେସ୍ ନଂ ୬/୨୧ ରେ ଏକ ଅପମୃତ୍ୟୁ ମାମଲା ରୁଜ୍ଜୁ କରାଯାଇଥିବା ନେଇ ଥାନା ଅଧିକାରୀ ପ୍ରଶାନ୍ତ କୁମାର ସାହୁ ସୂଚନା ଦେଇଛନ୍ତି ।
