ଭୁବନେଶ୍ୱର, ପରୀକ୍ଷା ସମ୍ପର୍କରେ ଦ୍ୱନ୍ଦ୍ୱ ଦୂର କରିବା ପାଇଁ ଦଶମ ଶ୍ରେଣୀ ଛାତ୍ରଛାତ୍ରୀ ବୀନ ନିବାସ ସାମନାରେ ଧାରଣା ଦେଇଛନ୍ତି । ମନ୍ତ୍ରୀଙ୍କ ପାଖରୁ ସନ୍ତୋଷଜନକ ଉତର ନପାଇବାରୁ ସେମାନେ ଧାରଣା ଦେଇଥିବା ଜଣା ପଡିଛି । ଧାରଣା ଦେଇଥିବା ଏହି ସ୍କୁଲ ଛାତ୍ରଛାତ୍ରୀ କହିଛନ୍ତି ଯେ ଯଦି ସିବିଏସଇ ପିଲାଙ୍କ ପରୀକ୍ଷା ବାତିଲ କରାଯାଉଛି, ତାହେଲେ ଆମର ପରୀକ୍ଷା କାହିଁକି ବାତିଲ କରାଯିବନାହିଁ । ସରକାର ତାଙ୍କ ଭବିଷ୍ୟତ ସହିତ ସରକାର ଖେଳ ଖେଳୁଛନ୍ତି । ସେମାନେ କହିଛନ୍ତି ଯେ ଗଣଶିକ୍ଷା ମନ୍ତ୍ରୀଙ୍କ ପାଖକୁ ଦାବି ଜଣାଇବା ପାଇଁ ଯାଇଥିଲେ କିନ୍ତୁ କୌଣସି ସନ୍ତୋଷଜନକ ଉତର ମିଳିଲା ନାହିଁ । ଆସନ୍ତା ଦିନରେ ଯଦି ତାଙ୍କର ଦାବି ପୁରଣ ନହୁଏ, ତାହେଲେ ରାଜରାସ୍ତାରେ ଏମିତି ବସି ରହିବୁ ବୋଲି ଛାତ୍ରଛାତ୍ରୀମାନେ ସରକାରଙ୍କୁ ଚେତାବନୀ ଦେଇଛନ୍ତି ।
