ପିପିଲି ଉପନିର୍ବାଚନ : ବାଇକ୍ ରାଲି ଉପରେ ଲାଗିଲା ରୋକ୍ 

ପୁରୀ, ପିପିଲି ଉପନିର୍ବାଚନ ପାଇଁ ଆସନ୍ତା ୧୭ ତାରିଖରେ ଭୋଟ୍ ଗ୍ରହଣ କରାଯିବ । ଭାରତୀୟ ନିର୍ବାଚନ କମିଶନଙ୍କ ନିର୍ଦ୍ଦେଶ ଅନୁଯାୟୀ, ଏହାର ୭୨ ଘଂଟା ପୂର୍ବରୁ ଅର୍ଥାତ୍ ଆଜି ସକାଳ ୭ଟା ଠାରୁ ବାଇକ୍ ରାଲି ଉପରେ ରୋକ୍ ଲଗାଯାଇଛି । କୌଣସି ପ୍ରକାର ବାଇକ୍ ରାଲିକୁ ଅନୁମତି ଦିଆଯିବ ନାହିଁ ବୋଲି ପୁରୀ ଜିଲ୍ଲା ନିର୍ବାଚନ ଅଧିକାରୀ ତଥା ଅତିରିକ୍ତ ଜିଲ୍ଲାପାଳ ପ୍ରଦୀପ କୁମାର ସାହୁ ସୂଚନା ଦେଇଛନ୍ତି ।