ସାକ୍ଷିଗୋପାଳ, ପୁରୀ ଜିଲ୍ଲା ସତ୍ୟବାଦୀ ବ୍ଲକ ଦାସବିଦ୍ୟାଧରପୁର ପଚାଂୟତ ଅନ୍ତର୍ଗତ ଦାସବିଦ୍ୟାଧରପୁର ଓ ଭିଂପୁର ଗ୍ରାମରେ ପ୍ରତିବର୍ଷ ପଣା ସଂକ୍ରାନ୍ତୀ ଅବସରରେ ଅନୁଷ୍ଠିତ ହେଉଥିବା ଖାଇ ଫୋଡ ଯାତ୍ରା ଚଳିତ ବର୍ଷ କରୋନା କଟକଣା ମଧ୍ୟରେ ପାଳିତ ହେଉଛି । ତେବେ ଚଳିତ ବର୍ଷ କରୋନା ସଂକ୍ରମଣକୁ ଦୃଷ୍ଟିରେ ରଖି ଏହି ଯାତ୍ରାରେ ମାନସିକ ଧାରୀ ପାଟୁଆଙ୍କ ସଂଖ୍ୟାକୁ ସୀମିତ ରଖାଯାଇଛି । ଆଜିର ଏହି ବିଶେଷ ତିଥିରେ ଗ୍ରାମଦେବୀ ମା ଗଡ଼ଚଣ୍ଡୀଙ୍କ ନିକଟରେ ସ୍ୱତନ୍ତ୍ର ପୂଜାନୀତି ସମାପନ ହୋଇଛି । ଭକ୍ତଙ୍କ ଭିଡ଼ ଆଶଙ୍କା କରି ଗ୍ରାମରେ ପ୍ରଶାସନ ପକ୍ଷରୁ ବ୍ୟାପକ ଫୋର୍ସ ମୁତୟନ କରାଯାଇଛି । ଫଳରେ ପ୍ରତିବର୍ଷ ଲୋକାରଣ୍ୟ ହୋଇଉଠୁଥିବା ଏହି ଯାତ୍ରାରେ ଚଳିତ ବର୍ଷ ଶ୍ରଦ୍ଧାଳୁଙ୍କ ସମାଗମ କମ୍ ରହିଛି ।
