ଜଗନ୍ନାଥପ୍ରସାଦ: ଜଗନ୍ନାଥପ୍ରସାଦ ଥାନା ଅନ୍ତର୍ଗତ ଜିରାବାଡ଼ି ପଞ୍ଚାୟତ ର ଲେପା ଗ୍ରାମରେ ଏକ ଗରିବ ହରିଜନ ପରିବାର ର ଦିବ୍ୟଙ୍ଗ ପୁତ୍ର ନିଖୋଜ ଘଟଣା ଏବେ ସାରା ଅଞ୍ଚଳରେ ରେ ଆଲୋଡନ ର ବିଷୟ ପାଲଟିଛି । ଘଟଣା ଅନୁସାରେ ଲେପା ଗ୍ରାମର ବିଜୟ ନାଇକ ଓ କୁନି ନାଇକ ଙ୍କ ଦ୍ଵିତୀୟ ପୁତ୍ର ପବିତ୍ର । ଜନ୍ମରୁ ହିଁ ପବିତ୍ର ନା କିଛି କହିପାରନ୍ତି ନା କିଛି ଶୁଣି ପାରନ୍ତି । ଘର ଲୋକଙ୍କ ଓ ସାଙ୍ଗ ସାଥି ଙ୍କ ଈଶାରା ରେ ଯାହା ବୁଝନ୍ତି । ପବିତ୍ର ଙ୍କ ବାପା ବିଜୟ ଓ ମା ଦୁଇ ଜଣ ଦିନ ମଜୁରିଆ ଅଟନ୍ତି । ପରିବାର ରେ ଆର୍ଥିକ ଅନାଟନ ଲାଗି ରହିଥାଏ ଯାହା ଫଳରେ ପବିତ୍ର ଙ୍କୁ ପାଠ ପଢ଼ିବା ଓ ତାଙ୍କରି ପାଇଁ ପ୍ରଯୁଜ୍ୟ ବିଦ୍ୟାଳୟରେ ପାଠ ପଢ଼ାଇବା ବାପା ମା ଙ୍କ କ୍ଷେତ୍ରରେ ସମ୍ଭବ ପର ହେଲା ନାହିଁ । ମାସିକ 500 ଟଙ୍କା ଭତ୍ତା ରେ ପବିତ୍ର ଙ୍କ ଦିନ କଟୁଥିଲା କିନ୍ତୁ ଗତ 3 ତାରିଖରୁ ସେ ନିଖୋଜ ଥିବା ଜଣା ପଡ଼ିଛି । ସୂଚନା ଅନୁସାରେ ଗତ 3 ତାରିଖରେ ପବିତ୍ର ଙ୍କ ବାପା ଓ ମା କାମ କରିବାକୁ ପାଖ ଗାଁ କୁ ଯାଇଥିଲେ ସନ୍ଧ୍ୟାରେ ରେ ଫେରନ୍ତି ତ ସାନ ପୁଅ ଠାରୁ ଖବର ପାଇ ଜାଣନ୍ତି ଯେ ପବିତ୍ର ଘରକୁ ଫେରିନାହାନ୍ତି ଯାହାପରେ ସାହି ପଡିଶା , ସାଙ୍ଗ ସାଥି ଙ୍କୁ ବୁଝିବା ସହ ଆଖପାଖ ଅଞ୍ଚଳରେ ଖୋଜା ଖୋଜି କରିଥିଲେ ପରିବାର ଲୋକେ। ପବିତ୍ର ଙ୍କ ଦୁଇ ଭାଇ ଓ ଦୁଇ ଭଉଣୀ ଅଛନ୍ତି ,ବଡ଼ ଭାଇ ଓ ଭଉଣୀ ବାହା ହୋଇ ସାରିଥିବା ବେଳେ ସାନ ଭଉଣୀ ଓ ଭାଇ ସହ ପବିତ୍ର ଓ ତାଙ୍କ ବାପା ମା ରହୁଥିଲେ । ତେବେ ପବିତ୍ର ଙ୍କ ଏଭଳି ଅଚାନକ ନିଖୋଜ ହୋଇଯିବା ପରିବାର ରେ ଶୋକ ର ଛାୟା ଖେଳାଇଦେଇଛି ।
ତେବେ ଅନ୍ୟ କିଛି ଉପାୟ ନ ପାଇ ଓ ପବିତ୍ର ଙ୍କ ବିଷୟରେ କୌଣସି ସୂଚନା ନ ମିଳିବାରୁ ଏନେଇ ଜଗନ୍ନାଥପ୍ରସାଦ ଥାନା ରେ ପବିତ୍ର ଙ୍କ ବାପା ଅଭିଯୋଗ କରିଛନ୍ତି ତଥାପି ନିଖୋଜ ହେବାର 8 ଦିନ ହୋଇଥିଲେ ମଧ୍ୟ ପବିତ୍ର ଙ୍କ କୌଣସି ସୂଚନା ମିଳିନାହିଁ । ଶେଷରେ ଆଜି ପବିତ୍ର ଙ୍କ ବାପା ମା ଗଣ ମାଧ୍ୟମ ଜରିଆରେ ପବିତ୍ର ଙ୍କୁ ଖୋଜିବା ପାଇଁ ଅନୁରୋଧ କରିଛନ୍ତି । ନିଖୋଜ ଥିବା ସମୟରେ ପବିତ୍ର ଙ୍କ ବୟସ 15 ବର୍ଷ ହୋଇଥିବା ବେଳେ ଶରୀର ରଙ୍ଗ କଳା ,ଉଚ୍ଚତା ପ୍ରାୟ 5 ଫୁଟ ଓ ଘରୁ ଗଲା ବେଳେ ନାଲି ରଙ୍ଗର ଟି ସାର୍ଟ ସହ କଳା ପ୍ୟାଣ୍ଟ ପିନ୍ଧିଥିଲେ ତେବେ ଯଦି କେହି ସହୁର୍ଦୟ ବ୍ୟକ୍ତି ପବିତ୍ର ଙ୍କଖବର ପାଅନ୍ତି କିମ୍ବା କୌଣସି ଜାଗାରେ ପବିତ୍ର ଙ୍କୁ ଦେଖନ୍ତି ତେବେ ସ୍ଥାନୀୟ ଥାନାରେ ଖବର ଦେବା ସହ ମୋବାଇଲ ନମ୍ବର 6309265844 ରେ ପବିତ୍ର ଙ୍କ ବାପା ଙ୍କ ସହ ଯୋଗାଯୋଗ କରି ଖବର ଦେବାକୁ ଅନୁରୋଧ କରିଛନ୍ତି ତେବେ ନିଖୋଜ ପବିତ୍ର ଙ୍କ ବାପା ବିଜୟ ନାଇକ ଙ୍କ ଅଭିଯୋଗ ଅନୁସାରେ ସ୍ଥାନୀୟ ପୋଲିସ ଅନୁସନ୍ଧାନ ଚଳାଇଥିବା ନିଖୋଜ ପବିତ୍ର ଙ୍କ ବାପା ପ୍ରକାଶ କରିଛନ୍ତି ।
