ବସ୍ ଧକ୍କାରେ ଛାତ୍ରଙ୍କ ମୃତ୍ୟୁ ଘଟଣା : ଡ଼୍ରାଇଭର ଗିରଫ 

ଗଞ୍ଜାମ, ଗତ ୩୦ ତାରିଖରେ ବ୍ରହ୍ମପୁର ଟାଉନ୍ ଅନ୍ତର୍ଗତ ଗେଟ୍ ବଜାର ବିଲସାହି ଛକରେ ଏକ ଯାତ୍ରୀବାହି ବସ୍ ଧକ୍କାରେ ଜଣେ ସ୍କୁଲ ଛାତ୍ରଙ୍କ ମୃତ୍ୟୁ ଘଟିଥିଲା । ଏହି ଘଟଣାରେ ଟ୍ରାଫିକ୍ ଥାନା ପୋଲିସ କେସ୍ ନଂ ୧୪/୨୧ ରେ ଡ଼୍ରାଇଭର ଲକ୍ଷ୍ମୀଧର ପାଣିଗ୍ରାହୀଙ୍କୁ ଗିରଫ କରି କୋର୍ଟଚାଲାଣ କରିଛି । ଏଥି ପୂର୍ବରୁ ଦୁର୍ଘଟଣା ଘଟାଇଥିବା ବସ୍ କୁ ପୋଲିସ ଜବତ କରିଥିଲା । ଗିରଫ ଡ଼୍ରାଇଭର ଲକ୍ଷ୍ମୀଧରଙ୍କ ଘର ନୟାଗଡ଼ ଜିଲ୍ଲା ଓଡ଼ଗାଁ ଥାନା ଅଧିନ ବାହାଡ଼ାଝୋଲା ଗ୍ରାମରେ ବୋଲି ଜଣାପଡିଛି ।