ସାହିଭାଇ ଅନୁଷ୍ଠାନ ତରଫରୁ ବାଲିସାହି ସ୍ଥିତ ନୀଳମାଧବ ବିନାୟକ ସମିତି ସହୋଯାଗିତାରେ ତୀର୍ଥ ଆଳତି କାର୍ଯ୍ୟକ୍ରମର ଦ୍ବିତୀୟ ବାର୍ଷିକ ମହୋତ୍ସବ ପଞ୍ଚତୀର୍ଥ ପୁଷ୍କରିଣୀଙ୍କ ମଧ୍ଯରୁ ଅନ୍ୟତମ ତୀର୍ଥପୁଷ୍କରିଣୀ ଶ୍ଵେତଗଙ୍ଗା ତଟରେ ମହାଡ଼ମ୍ବର ସହ ଅନୁଷ୍ଠିତ ହୋଇଯାଇଅଛି। ଅନୁଷ୍ଠାନ ର କାର୍ଯ୍ଯକାରୀ ସଭାପତି ବ୍ରଜବନ୍ଧୁ ମହାରଣାଙ୍କ ନେତୃତ୍ବରେ ପରିଚାଳିତ ଏହି କାର୍ଯ୍ୟକ୍ରମ ରେ ଭାରତିୟ ସ୍ଥଳ ସେନାର ପୂର୍ବତନ ଲେଫ୍ଟନାଣ୍ଟ ଜେନେରାଲ ଶ୍ରୀଯୁକ୍ତ ନାରାୟଣ ମହାନ୍ତି , ପ୍ରଫେସର ଗୋପାଳ କୃଷ୍ଣ ଦାସ, ଶ୍ରୀ ଜଗନ୍ନାଥ ସଂସ୍କୃତି ଗବେଷକ ଡ଼ ସୁରେନ୍ଦ୍ର ମିଶ୍ର, ଡଃ ସିଦ୍ଧାର୍ଥ ଦାସ, ଶ୍ରୀ ମନ୍ଦିର ପୁରୋହିତ ଶ୍ରୀଯୁକ୍ତ ସିଦ୍ଧେଶ୍ଵର ମହାପାତ୍ର, ପ୍ରଫେସର ରମାକାନ୍ତ ମିଶ୍ର ମହୋଦୟ ଇତ୍ୟାଦି ଉପସ୍ଥିତ ରହି ନିଜ ନିଜର ବକ୍ତବ୍ୟରେ ପଞ୍ଚତୀର୍ଥ ର ମାହାତ୍ମ୍ୟ ବର୍ଣ୍ଣନା କରିଥିଲେ ।ଗୋବର୍ଦ୍ଧନ ପୀଠ ଦଣ୍ଡି ମହାରାଜ ଶ୍ରୀ ପୁରୁଷୋତ୍ତମ ଗିରୀ ଙ୍କ ମାର୍ଗଦର୍ଶନ ରେ ଅନୁଷ୍ଠାନ ର ଉପଦେଷ୍ଠା ତଥା ମୁକ୍ତିମଣ୍ଡପ ବ୍ରାହ୍ମଣ ସଭା ସଦସ୍ୟ ଶ୍ରୀଯୁକ୍ତ ବିଚିତ୍ରାନନ୍ଦ ମିଶ୍ର , ଗୌରିଶଙ୍କର ଦାସ ଓ ବୈଦିକ ପଣ୍ଡିତ ମାନଙ୍କ ମନ୍ତ୍ର ଉଚ୍ଚାରଣ ରେ ଆଳତି କାର୍ଯ୍ୟକ୍ରମ ସମ୍ପୂର୍ଣ୍ଣ ରୀତିନୀତି ସହ ଆଗେଇ ନେଇଥିଲେ। ପ୍ରାଧ୍ୟାପକ ଶ୍ରୀଯୁକ୍ତ ଲକ୍ଷ୍ମୀଧର ପଣ୍ଡା ମଞ୍ଚ ପରିଚାଳନା କରିଥିଲେ ଅନୁଷ୍ଠାନର ବରିଷ୍ଠ ସଦସ୍ୟ ତଥା ଉପଦେଷ୍ଟା ଶ୍ରୀଯୁକ୍ତ ବୈଦନାଥ ପାଣି ଧନ୍ୟବାଦ ଅର୍ପଣ କରିଥିଲେ। ସାହିଭାଇ ଅନୁଷ୍ଠାନ ର ଯୁଗ୍ମ ସମ୍ପାଦକ ସୂର୍ଯ୍ୟନାରାୟଣ ପ୍ରଧାନ ସୂଚନା ପ୍ରଦାନ କରିଛନ୍ତି |
ଏହି କାର୍ଯ୍ୟକ୍ରମ ସମ୍ପୂର୍ଣ୍ଣ କୋଭିଡ଼ ନିୟମ ଅନୁସାରେ ପାଳିତ ହୋଇଥିଲା।
