ଧର୍ମଶାଳା – ଯାଜପୁର ଜିଲା ଧର୍ମଶାଳା ବ୍ଲକ ବରୁହାଁ-ବାଲିଚନ୍ଦ୍ରପୁର ମୁଖ୍ୟ ରାସ୍ତା ନାଳକୂଳସ୍ଥିତ କେଲୁଅ ନଦୀ ସେତୁ ତଳୁ ଆଜି ଏକ ନମ୍ବର ବିହୀନ ବାଇକ ଉଦ୍ଧାର ହୋଇଥିବା ଜଣାପଡିଛି । ଏନେଇ ପୁଲିସ ପାଣି ଭିତରୁ ଆଣି ତଦନ୍ତ କରୁଛି । ସୂଚନା ଅନୁଯାୟୀ କେଲୁଅ ନଦୀ ସେତୁ ଉପରେ କିଛି ଲୋକେ ପାଣିରେ ଏକ ଗାଡି ପଡିଥିବା ଦେଖିବାକୁ ପାଇଥିଲେ । ପରେ ସ୍ଥାନୀୟ ଲୋକେ କୋତପୁର ଫାଣ୍ଡିକୁ ଖବର ଦେଇଥିଲେ । ଫାଣ୍ଡି ଅଧିକାରୀ ବିରଂଚି ନାରାୟଣ ପଣ୍ଡା ଘଟଣାସ୍ଥଳରେ ପଂହଚି ସ୍ଥାନୀୟ ଲୋକଙ୍କ ସହାୟତାରେ ଗଭୀର ପାଣିରୁ ଏହାକୁ ଉଦ୍ଧାର କରିଥିଲେ । ଏକ ନାଲି ରଂଗର ହିରୋ ଗ୍ଲାମର ବାଇକ ଜଣାପଡିଥିବା ବେଳେ ଗାଡିରେ ନମ୍ବର ପ୍ଲେଟ ନ ଥିବା ଜଣାପଡିଛି । ଏହି ଗାଡିକୁ ଫାଣ୍ଡିକୁ ନେଇ ଇଂଜିନ ଓ ଚେଚିସ୍ ନମ୍ବରକୁ ଖୋଜି ତଦନ୍ତ ଚଲାଇଥିବା ଜଣାପଡିଛି । ପୋଲ ସୁରକ୍ଷା ବାଡ ଭଙ୍ଗା ଯାଇନଥିବା ବେଳେ କିପରି ଭବେ ଗାଡିଟି ପାଣି ଭିତରକୁ ଗଲା ତାହାକୁ ନେଇ ସାଧାରଣରେ ସନ୍ଦେହ ପ୍ରକାଶ ପାଇଛି । ବାଇକଟିର ପରିଚୟ ମିଳିବା ପରେ ପ୍ରକୃତ ରହସ୍ୟ ଜଣାପଡିବ ବୋଲି ଧର୍ମଶାଳା ଥାନା ଅଧିକାରୀ ସରୋଜ କୁମାର ସାହୁ ପ୍ରକାଶ କରିଛନ୍ତି ।
