ମହାନଦୀବିହାରସ୍ଥିତ ଉତ୍କଳ ଗ୍ରାମ୍ୟ ବ୍ୟାଙ୍କ ଶାଖାରେ ଅଗ୍ନିକାଣ୍ଡ : ସର୍ଟସର୍କିଟରୁ ଲାଗିଲା ନିଆଁ : ୫୦ ଲକ୍ଷରୁ ଉର୍ଦ୍ଧ୍ୱ ମୂଲ୍ୟର କମ୍ପ୍ୟୁଟର ଓ ଅନ୍ୟାନ୍ୟ ଆସବାବପତ୍ର ଜଳିଗଲା 

କଟକ, କଟକ ମହାନଦୀବିହାରସ୍ଥିତ ଉତ୍କଳ ଗ୍ରାମ୍ୟ ବ୍ୟାଙ୍କ ଶାଖାରେ ଗତକାଲି ବିଳମ୍ବିତ ରାତିରେ ସର୍ଟସର୍କିଟରୁ ନିଆଁ ଲାଗି ଦୁଇ ମହଲା ବିଶିଷ୍ଟ ଏହି କୋଠାରେ ପ୍ରାୟ ୫୦ ଲକ୍ଷରୁ ଉର୍ଦ୍ଧ୍ୱ ମୂଲ୍ୟର କମ୍ପ୍ୟୁଟର, ଆସବାବପତ୍ର ଓ ବ୍ୟାଙ୍କର ଅନେକ ଗୁରୁତ୍ୱପୂର୍ଣ୍ଣ କାଗଜପତ୍ର ଜଳିପୋଡ଼ି ଛାରଖାର୍ ହୋଇଯାଇଛି । ଖବର ପାଇ ବକ୍ସିବଜାର ଓ ମହାନଦୀ ବିହାର ଦମକଳବାହିନୀର ଦୁଇଟି ଗାଡ଼ି ଘଟଣାସ୍ଥଳରେ ପହଂଚି ନିଆଁକୁ ଆୟତ କରିଥିଲେ । ତେବେ ସେତେବେଳକୁ ସବୁକିଛି ଭସ୍ମୀଭୂତ ହୋଇଯାଇଥିଲା ।