ନୂଆପଡ଼ା,ନୂଆପଡ଼ା ଜିଲ୍ଲା ସିନାପାଲି ବ୍ଲକ୍ ଅନ୍ତର୍ଗତ ବ୍ରାହ୍ମଣପଡ଼ା ଗ୍ରାମରୁ ୨୯ ଜଣ ନୂଆ କରୋନା ପଜିଟିଭ୍ ଚିହ୍ନଟ ହେବା ପରେ ନୂଆପଡ଼ା ଜିଲ୍ଲା ପ୍ରଶାସନ ଏହି ଗ୍ରାମକୁ କଂଟେନମେଂଟ ଜୋନ୍ ଘୋଷଣା କରିଛନ୍ତି । ଗ୍ରାମର ଚର୍ତୁପାଶ୍ୱର୍କୁ ସିଲ୍ କରାଯାଇଥିବା ବେଳେ ବାହାର ଗ୍ରାମର ଲୋକଙ୍କୁ ଏହି ଗ୍ରାମକୁ ଆସିବାକୁ ବାରଣ କରାଯାଇଛି । ଅନ୍ୟପକ୍ଷରେ ଏହି ଗ୍ରାମର ଲୋକ ମଧ୍ୟ ବାହାର ଗ୍ରାମକୁ ଯାଇପାରିବେ ନାହିଁ । କାରଣ ତାହା ଉପରେ ମଧ୍ୟ ପ୍ରଶାସନ ପକ୍ଷରୁ କଟକଣା ଜାରୀ କରାଯାଇଛି । ସିନାପାଲି ସ୍ୱାସ୍ଥ୍ୟକେନ୍ଦ୍ର ପକ୍ଷରୁ ସମସ୍ତ ୨୯ ଜଣଙ୍କୁ ହୋମ୍ କ୍ୱାରେଂଟାଇନରେ ରଖାଯାଇଥିବା ବେଳେ ଗ୍ରାମର ସମସ୍ତଙ୍କ ସ୍ୱାବ୍ ପରୀକ୍ଷା କରାଯିବାର ବ୍ୟବସ୍ଥା କରାଯାଇଛି । ଅପରପକ୍ଷରେ ଏହି ଗ୍ରାମରେ କରୋନା ପଜିଟିଭ୍ ଚିହ୍ନଟ ପରେ ଗ୍ରାମବାସୀ ଓ ଆଖପାଖ ଗ୍ରାମର ଲୋକେ ଭୟଭିତ ହୋଇପଡିଛନ୍ତି ।
