ପୁରୀ,ଆଜି ପୂର୍ବାହ୍ନ ୧୦ଟା ସମୟରେ ଶ୍ରୀମନ୍ଦିର ସେବାୟତ ମାନଙ୍କୁ କୋଭିଡ୍ ଟିକା ପ୍ରଦାନ ନିମନ୍ତେ ଏକ ସ୍ୱତନ୍ତ୍ର ଶିବିର ଆରମ୍ଭ ହୋଇଛି l ପ୍ରତିହାରୀ ନିଯୋଗ, ବୈଠକ ଘର, ଲୋକନାଥ ରୋଡ ଠାରେ ଟୀକା ଦେବା ଆରମ୍ଭ ହୋଇଛି । ଏହି ଟିକାକରଣ କାର୍ଯ୍ୟକ୍ରମ ଦିବା ୧୦ ଘଣ୍ଟାରୁ ଅପରାହ୍ନ ୫ ଟା ପର୍ଯ୍ୟନ୍ତ ଚାଲୁ ରହିବ l ଷାଠିଏ ବର୍ଷ ଠାରୁ ବୟସ୍କ ସେବାୟତ ବନ୍ଧୁ ମାନେ ଏହି ଟିକା ନେଇପାରିବେ । ଦୈନିକ ୧୦୦ ଜଣ ସେବାୟତଙ୍କୁ ଟିକା ପ୍ରଦାନ କରାଯିବ l ଏଥି ପାଇଁ ସେବାୟତ ବନ୍ଧୁ ମାନେ ସେମାନଙ୍କର ଆଧାର କାର୍ଡ ସାଙ୍ଗରେ ଆଣିବାକୁ ଅନୁରୋଧ କରାଯାଇଛି ।
