ନୂଆଦିଲ୍ଲୀ, କେନ୍ଦ୍ର ସଂସ୍କୃତି ଓ ପର୍ଯ୍ୟଟନ ରାଷ୍ଟ୍ରମନ୍ତ୍ରୀ (ସ୍ୱାଧୀନ ଦାୟିତ୍ୱ) ଶ୍ରୀ ପ୍ରହ୍ଲାଦ ସିଂ ପଟେଲ ଆଜି ନଦିଆଡରେ ୭୫ କିଲୋମିଟର ଦାଣ୍ଡି ଯାତ୍ରା ଶେଷ କରିଛନ୍ତି । ଗତ ଚାରି ଦିନ ମଧ୍ୟରେ ହଜାର ହଜାର ଲୋକ ଦାଣ୍ଡି ଯାତ୍ରାରେ ଯୋଗ ଦେଇ ପଦଯାତ୍ରାରେ ଭାଗ ନେଇଥିଲେ । କେନ୍ଦ୍ର ମନ୍ତ୍ରୀ ଗିରିରାଜ ସିଂହ, ଗୁଜରାଟର ମୁଖ୍ୟମନ୍ତ୍ରୀ ବିଜୟ ରୂପାନି, ସାଂସଦ ଦେଭୁ ସିଂହ ଚୌହାନ ଏବଂ ବିଧାୟକ ଅର୍ଜୁନ ସିଂହ ଚୌହାନଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଏହି ଯାତ୍ରାରେ ଯୋଗ ଦେଇଥିଲେ । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୧୨ ମାର୍ଚ୍ଚରେ ମହାତ୍ମା ଗାନ୍ଧୀଙ୍କ ଦାଣ୍ଡି ଯାତ୍ରା ଶୈଳୀରେ ସାବରମତି ଆଶ୍ରମରୁ ହେବାକୁ ଥିବା ପଦଯାତ୍ରାକୁ ପତାକା ଦେଖାଇଥିଲେ । ସ୍ୱାଧୀନତାର ୭୫ତମ ବାର୍ଷିକୀ ଅବସରରେ ଉତ୍ସର୍ଗୀକୃତ “ଆଜାଦୀ କା ଅମୃତ ମହୋତ୍ସବ ର ଉଦଘାଟନ ଅବସରରେ ଏହି ଯାତ୍ରାକୁ ପତାକା ଦେଖାଇ ଶୁଭାରମ୍ଭ କରାଯାଇଥିଲା ।
