ନକଲି ଗୁଟଖା କାରଖାନା ଉପରେ ଚଢ଼ଉ  : ବ୍ୟବହୃତ ମେସିନ ସହ ଲକ୍ଷାଧିକ ଟଙ୍କାର ଗୁଟଖା ଜବତ  

ଗଞ୍ଜାମ,  ବ୍ରହ୍ମପୁର ସଦର ଥାନା ଅନ୍ତର୍ଗତ ଜଗଦଳପୁର ଗ୍ରାମରେ ଏକ ଛତୁ ଫାର୍ମରେ ଭିତରେ ଚାଲିଥିଲା ନକଲି ଗୁଟଖା କାରଖାନା । ବ୍ରହ୍ମପୁର ଉପଜିଲ୍ଲାପାଳ କୀର୍ତିଭାସନ କୌଣସି ବିଶେଷ ସୂତ୍ରରୁ ଏ ସମ୍ପର୍କରେ ଖବର ପାଇ ଗତକାଲି ରାତିରେ ଏହି ଛତୁ ଫାର୍ମ ଉପରେ ସଦଳବଳେ ଚଢ଼ଉ କରିଥିଲେ । ଚଢ଼ଉ ବେଳେ ସେଠାରୁ ଗୁଟଖା ତିଆରି ନିମନ୍ତେ ବ୍ୟବହୃତ ଏକ ବଡ଼ ମେସିନ ଜବତ କରିବା ସହ ୨୦୦୦ ପ୍ୟାକେଟ ନକଲି ଗୁଟଖା ଜବତ କରିଛି । ଗତ କିଛି ମାସ ତଳେ ମଧ୍ୟ ତତ୍କାଳୀନ ଉପଜିଲ୍ଲାପାଳ, କୁକୁଡ଼ାଖଣ୍ଡି ତହସିଲଦାର ଏକ ବଡ଼  ଧରଣର ଗୁଟଖା କାରଖାନା ଉପରେ ଚଢ଼ଉ କରି କୋଟିଏରୁ ଉର୍ଦ୍ଧ୍ୱ ମୂଲ୍ୟର ନକଲି ଗୁଟଖା ଜବତ କରିଥିଲେ ।