ସମୁଦ୍ରରେ ସ୍ନାନ ବେଳେ ଅଘଟଣ  : ଉଚ୍ଚ ଲହଡ଼ିରେ ଭାସିଯାଇ ଯୁବକ ଗୁରୁତର

ପୁରୀ, ପୁରୀ ସମୁଦ୍ରରେ ସ୍ନାନ କରୁଥିବା ବେଳେ ଜଣେ ଯୁବକ ଉଚ୍ଚ ଲହଡ଼ିରେ ଭାସିଯାଇ ଗୁରୁତର ହୋଇଛନ୍ତି । ତାଙ୍କୁ ଚିକିତ୍ସା ନିମନ୍ତେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି ।ସୂଚନାନୁଯାୟୀ, ଯୁବକ ଜଣକ ପୁରୀ ବୁଲିବାକୁ ଆସି ଆଜି ସମୁଦ୍ରରେ ସ୍ନାନ କରୁଥିବା ବେଳେ ଉଚ୍ଚ ଲହଡ଼ିରେ ଭାସି ଯାଇଥିଲେ । ସେଠାରେ ଉପସ୍ଥିତ ଥିବା ଲାଇଫଗାର୍ଡ଼ ମାନେ ତାଙ୍କୁ ଉଦ୍ଧାର କରିଥିଲେ । ତାଙ୍କୁ ଚିକିତ୍ସା ନିମନ୍ତେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ତେବେ ତାଙ୍କର ସମ୍ପୂର୍ଣ୍ଣ ପରିଚୟ ମିଳିପାରିନାହିଁ ।