ଓଡିଶା ଜୀବିକା ମିଶନ ପକ୍ଷରୁ ତାଲିମ ଶିବିର

ମାଲକାନଗିରି,  ମାଲକାନଗିରି ଜିଲା ଚିତ୍ରକୋଣ୍ଡା ବ୍ଲକ ସ୍ୱାଭିମାନ ଅଞ୍ଚଳ ବଡ଼ପଡ଼ା ପଞ୍ଚାୟତ ଗୃହ ଠାରେ ଓଡିଶା ଜୀବିକା ମିଶନ ଆନୁକୂଲ୍ୟରେ ଚିତ୍ରକୋଣ୍ଡା ଓଡିଶା ଜୀବିକା ମିଶନ ଵିଏମ ପର୍ଶୁରାମ ବେହେରାଙ୍କ ନେତୃତ୍ୱରେ ବଡ଼ପଦର, ବଡ଼ପଡ଼ା ଓ ପାପରମେଟେଲା ପଞ୍ଚାୟତର ଏମବିକେ ସିଆରପି ମାନଙ୍କୁ ନେଇ ପିଏଲଏ ତାଲିମ ଶିବିର ଅନୁଷ୍ଠିତ ହୋଇ ଯାଇଛି l ତାଲିମ ଦାତା ଭାବରେ ହର୍ଷାଟ୍ରଷ୍ଟ ର କର୍ମି ଦିବ୍ୟସିଙ୍ଗ ପ୍ରଧାନ ତାଲିମ ପ୍ରଦାନ କରିଥିଲେ l ଉକ୍ତ ପିଏଲଏ ତାଲିମ ମାଧ୍ୟମରେ ସ୍ୱୟଂ ସହାୟକ ଗୋଷ୍ଠୀ, ଜିପିଏଫ ଓ ମହାସଂଘ ମାନଙ୍କରେ ପୋଷ୍ଟର, ଗୀତ, ଖେଳ ଓ ଗପ ଜରିଆରେ ବୈଠକରେ ଦଶ ସୂତ୍ର କୁ ଚାରି ପ୍ରଣାଳୀରେ ଆଲୋଚନା କରାଯିବା ସମ୍ପର୍କରେ ତାଲିମ ପ୍ରଦାନ କରାଯାଇଥିଲା l ଯାହା ଫଳରେ ଗୋଷ୍ଠୀର ବୈଠକଟି ନିୟମିତ ଅନୁଯାଇ ସରଳ, ସରସ ସୁନ୍ଦର ଭାବେ ଅନୁଷ୍ଠିତ ହୋଇ ପାରିବ ସେ ସମ୍ପର୍କରେ ପୁଙ୍ଖାନୁପୁଙ୍ଖ ଭାବେ ଆଲୋଚନା ସହ ତାଲିମ ପ୍ରଦାନ କରାଯାଇଥିଲା l ଉକ୍ତ ତାଲିମ କାର୍ଯ୍ୟକ୍ରମ କୁ ବିଏଲସି ସୋମନାଥ କୁମ୍ଭାର ପରିଚାଳନା କରିଥିଲେ!