ବାଲିମେଳା ବନାଞ୍ଚଳ ପକ୍ଷରୁ ଜଙ୍ଘଲ ସୁରକ୍ଷା ଜୀବନ ରକ୍ଷା ନେଇ ସଚେତନତା କାର୍ଯ୍ୟକ୍ରମ 

ମାଲକାନଗିରି, ଜଙ୍ଗଲ ସୁରକ୍ଷା, ଜୀବନ ରକ୍ଷା ‌  ବାର୍ତ୍ତା ନେଇ ବାଲିମେଳା ବନାଞ୍ଚଳ ଅଧିକାରୀଙ୍କ କାର୍ଯ୍ୟାଳୟ ତରଫରୁ ତାର୍ଲାକୋଟା ସଦରମହକୁମା ଠାରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଖରାଦିନେ ଜଙ୍ଗଲ ରେ ନିଆଁ ଲଗାଇବା ଓ ଜଙ୍ଗଲ ସୁରକ୍ଷା ଉପରେ ଆଲୋଚନା କରାଯାଇଥିଲା।ଉକ୍ତ ସଚେତନତା କାର୍ଯ୍ୟକ୍ରମରେ ବାଲିମେଳା ବନାଞ୍ଚଳ ଅଧିକାରୀ  ରାମଚନ୍ଦ୍ର ମାଡକାମି ମୁଖ୍ୟ ଅତିଥି ଭାବେ ଯୋଗ ଦେଇ ଲୋକମାନଙ୍କୁ ଜଙ୍ଗଲରେ ନିଆଁ ନ ଲଗାଇବା ପାଇଁ  ବୁଝାଇଥିଲେ। ଏହି କାର୍ଯ୍ୟକ୍ରମରେ ସରକାରୀ ଉଚ୍ଚ ବିଦ୍ୟାଳୟ ତାର୍ଲାକୋଟା ର ଶିକ୍ଷକ ,କବି ତଥା ପରିବେଶବିତ୍ କରୁଣାକର ମଲିକ ମୁଖ୍ୟବକ୍ତା ଭାବେ ଯୋଗଦେଇ ବୃକ୍ଷର ପ୍ରତ୍ୟେକ ଅଂଶ ମଣିଷ ସେବାରେ ନିୟୋଜିତ। ଜଙ୍ଗଲ ରକ୍ଷା କରିବା, ବାଡ଼ିରେ ଫୁଲ ଫଳ ଗଛ ଲଗାଇବା, ଜଙ୍ଗଲ ରେ ନିଆଁ ନ ଲଗାଇବାକୁ ପରାମର୍ଶ ଦେଇଥିଲେ। ସରପଞ୍ଚ ସୋମନାଥ ବାର୍ସେ ,ଫରେଷ୍ଟର ସୁବ୍ରତ କୁମାର ପରିଡ଼ାଙ୍କ ସମେତ ଅନ୍ୟ କର୍ମଚାରୀ, ସ୍ବୟଂ ସହାୟକ ଗୋଷ୍ଠୀ,ଗ୍ରାମ୍ୟ ଜଙ୍ଗଲ ସୁରକ୍ଷା କମିଟି ଓ ଏନ ଜି ଓ  କର୍ମକର୍ତ୍ତାମାନେ ଯୋଗ ଦେଇଥିଲେ।