ପବିତ୍ର ଜାଗର ଉପଲକ୍ଷେ ସ୍ୱତନ୍ତ୍ର ମୂର୍ତ୍ତି ଗଢ଼ିଛନ୍ତି ଭକ୍ତ

• କୋରୋନା ସମଗ୍ର ବିଶ୍ବରୁ ଦୂରୀଭୂତ ହେବା ନିମନ୍ତେ ଶିବଙ୍କ ନିକଟରେ ପ୍ରାର୍ଥନା,

କୈଳାଶ ଚନ୍ଦ୍ର ପଣ୍ଡା, ପୁରୀ

ଦତ୍ତତୋଟା, ଜଗନ୍ନାଥ ଲେନ୍ ନିବାସୀ ସୂର୍ଯ୍ୟକାନ୍ତ ଦାସ ପବିତ୍ର ଜାଗର ଉପଲକ୍ଷେ ଏକ ମୂର୍ତ୍ତି ଗଢିଛନ୍ତି । ଉକ୍ତ ମୂର୍ତ୍ତି କୁ ଗଢିବା ପାଇଁ 9 ଘଣ୍ଟା ସମୟ ଲାଗିଥିଲା । ଏହି ମୂର୍ତ୍ତିକୁ ଗଢିବା ପାଇଁ ମଇଦା, ଜରି ଅଠା ଏବଂ ରଙ୍ଗିଲା କଲର୍ ବ୍ଯବହାର କରିଥିଲେ । ମୂର୍ତ୍ତିକୁ ଗଢିବା ପାଇଁ 2 ଦିସ୍ତା ଅଦରକାରୀ ଖବରକାଗଜ ବ୍ୟବହାର ହୋଇଥିଲା । ଏହି ମୂର୍ତ୍ତିର ଉଚ୍ଚତା ପ୍ରାୟ 20 ଇଞ୍ଚ ଏବଂ ଓସାର ପ୍ରାୟ 8 ଇଞ୍ଚ ରହିଛି । କୋରୋନା ନାମକ ମହାମାରୀ ସମଗ୍ର ବିଶ୍ବରୁ ଦୂରୀଭୂତ ହେବା ନିମନ୍ତେ ମହାପ୍ରଭୁ ଶିବଙ୍କ ନିକଟରେ ପ୍ରାର୍ଥନା କରିଥିଲେ ସୂର୍ଯ୍ୟକାନ୍ତ। ଚଳିତ ବର୍ଷ ଜାଗରକୁ ଆମ୍ଭେମାନେ ଜାଗର ପଡିଆ ନ ଯାଇ ନିଜ ନିଜ ଘରେ ବସି ଦୀପ ଜଳାଇ ମହାପ୍ରଭୁ ଶିବଙ୍କ ନିକଟରେ ପ୍ରାର୍ଥନା କରିବା ଯେ କୋରୋନା ନାମକ ମହାମାରୀ ଆଉ ନ ବ୍ଯାପୁ ଏବଂ ଆଉ ଜନ ଜୀବନ କ୍ଷତି ନ ହେଉ।