ପ୍ରଧାନମନ୍ତ୍ରୀ ସଂପୃକ୍ତ ହିତାଧିକାରୀ, କେନ୍ଦ୍ରସଂଚାଳକ, ଜନଔଷଧୀ ମିତ୍ରମାନଙ୍କ ସହ ଟେଲି କନ୍ଫରେନ୍ସିଂ ବ୍ୟବସ୍ଥାରେ ୫ଟି ସ୍ଥାନରେ ମତବିନିମୟ କରିଥିଲେ । ଏହିସ୍ଥାନ ଗୁଡିକହେଲା- ସିମଳା, ଭୋପାଳ, ଅହମ୍ମଦାବାଦ, ମାରୁତିନଗର ଓ ମାଙ୍ଗାଲୁରୁ । ହିତାଧିକାରୀମାନଙ୍କ ସହମତ ବିନିମୟ ସମୟରେ ପ୍ରଧାନମନ୍ତ୍ରୀ ସେମାନଙ୍କୁ ସୁସ୍ଥଜୀବନୀଶୈଳୀ ପାଳନ କରିବାକୁ ପରାମର୍ଶ ଦେଇଥିଲେ । ସେ ସେମାନଙ୍କୁ କହିଥିଲେ ଯେ ଏବେ ଔଷଧ ସୁଲଭ ଓ ଶସ୍ତା ହୋଇଥିବାରୁ ରୋଗୀମାନେ ଆବଶ୍ୟକ ଔଷଧ ସେବନ କରିଉତ୍ତମସ୍ୱାସ୍ଥ୍ୟଜନିତ ଫଳାଫଳ ପାଉଛନ୍ତି । ଜନଔଷଧୀ ଆନ୍ଦୋଳନକୁ ପ୍ରୋତ୍ସାହିତକରୁଥିବା ଯୁବକମାନଙ୍କୁ ପ୍ରଧାନମନ୍ତ୍ରୀ ପ୍ରଶଂସା କରିବା ସହ ବର୍ତ୍ତମାନର କରୋନା ଟିକାଦାନ ଅଭିଯାନରେ ସାହାଯ୍ୟ ସହଯୋଗ କରିବାକୁ ପରାମର୍ଶ ଦେଇଛନ୍ତି।
ପ୍ରଧାନମନ୍ତ୍ରୀ ଆହୁରି ମଧ୍ୟ ହିତାଧିକାରୀମାନଙ୍କୁ ପରାମର୍ଶ ଦେଇ କହିଛନ୍ତି ଯେ ସେମାନେ ଜନଔଷଧୀର ସୁଫଳ ସଂକ୍ରାନ୍ତ ବାର୍ତ୍ତା ଅଧିକରୁ ଅଧିକ ପ୍ରଚାର କରିବା ଆବଶ୍ୟକ । ସେ ଆହୁରି କହିଥିଲେ ଯେ ଆପଣ ହିଁ ମୋର ପରିବାରଏବଂ ଆପଣଙ୍କର ଅସୁସ୍ଥତା ମୋ ପରିବାରରସଦସ୍ୟଙ୍କ ଅସୁସ୍ଥତା ସହସମାନ । ସେଥିପାଇଁ ମୁଁ ମୋର ସବୁ ଦେଶବାସୀ ସୁସ୍ଥସବଳ ରୁହନ୍ତୁ ତାହାଚାହେଁ ।
ଏହି ଅବସରରେ ଉଦ୍ବୋଧନ ଦେଇ ପ୍ରଧାନମନ୍ତ୍ରୀ କହିଛନ୍ତି ଯେ ଜନଔଷଧୀ ଯୋଜନା ଗରିବ ଏବଂ ମଧ୍ୟବିତ୍ତ ପରିବାର ପାଇଁ ଏକ ବଡ଼ବନ୍ଧୁ ପାଲଟିଛି । ଏହା ମଧ୍ୟ ଉଭୟସେବା ଓ ନିଯୁକ୍ତିର ମାଧ୍ୟମ ହୋଇଛି । ୭୫୦୦ତମ ଜନଔଷଧୀ କେନ୍ଦ୍ରଶିଲଂରେ ଉଦ୍ଘାଟିତ ହେବା ଘଟଣା ସୂଚାଉଛି ଯେ ଉତ୍ତର ପୂର୍ବାଞ୍ଚଳରେ ମଧ୍ୟ ଏହାର ପ୍ରସାର ଘଟିଛି । ପାହାଡିଆ, ଉତ୍ତର ପୂର୍ବାଞ୍ଚଳ ଏବଂ ଆଦିବାସୀ ଅଧ୍ୟୁଷିତ ଇଲାକାରେ ସୁଲଭମୂଲ୍ୟରେ ମଧ୍ୟ ଔଷଧ ଏହି ଯୋଜନାରେ ଯୋଗାଇ ଦିଆଯାଉଛି । ଶ୍ରୀମୋଦୀ କହିଛନ୍ତି ଯେ ୬ ବର୍ଷ ପୂର୍ବେ ଦେଶରେ ୧୦୦ଟି ଏପରି ଜନଔଷଧୀ କେନ୍ଦ୍ର ନ ଥିଲା । ଏବେ ୭୫୦୦ତମ ଜନଔଷଧୀ କେନ୍ଦ୍ର ଜାତିଉଦ୍ଦେଶ୍ୟରେ ଅର୍ପିତ ହେବା ଘଟଣା ଏହାର ଗୁରୁତ୍ୱବହନ କରେ । ଦେଶରେ ୧୦୦୦୦ ଜନଔଷଧୀ କେନ୍ଦ୍ରସ୍ଥାପନର ଲକ୍ଷ୍ୟ ପୂରଣକରିବାକୁସେ ପରାମର୍ଶ ଦେଇଛନ୍ତି । ଜନଔଷଧୀ କେନ୍ଦ୍ରରୁ ସୁଲଭ ମୂଲ୍ୟରେ ଔଷଧ ମିଳିବାରୁ ଲୋକେ ଦାମିକା ଔଷଧ ବାବଦରେ ବର୍ଷକ ୩୬୦୦ କୋଟି ଟଙ୍କାସଞ୍ଚୟ କରିପାରିଛନ୍ତି । ପ୍ରଧାନମନ୍ତ୍ରୀ କହିଛନ୍ତି ଯେ ଏହି ଯୋଜନା ମହିଳାମାନଙ୍କ ମଧ୍ୟରେ ଆତ୍ମନିର୍ଭରତାର ବାର୍ତ୍ତାକୁ ପ୍ରୋତ୍ସାହିତ କରୁଛି । ଏକ ହଜାରରୁ ଅଧିକ ଏଭଳି କେନ୍ଦ୍ର ମହିଳାମାନଙ୍କ ଦ୍ୱାରା ପରିଚାଳିତ ହେଉଛି । ପ୍ରଧାନମନ୍ତ୍ରୀକହିଥିଲେ ଯେ ଏହି ଯୋଜନାକୁ ପ୍ରୋତ୍ସାହିତ କରିବା ପାଇଁ ସରକାର ପ୍ରୋତ୍ସାହନ ରାଶି ପରିମାଣ ୨.୫ ଲକ୍ଷରୁ ୫ଲକ୍ଷଟଙ୍କା ପର୍ଯ୍ୟନ୍ତ ବୃଦ୍ଧି କରିଛନ୍ତି । ଏହାଛଡା ଦଳିତ, ଆଦିବାସୀ ମହିଳା ଏବଂ ଉତ୍ତର ପୂର୍ବାଞ୍ଚଳର ଲୋକମାନଙ୍କ ପାଇଁ ଏହି ପ୍ରୋତ୍ସାହନ ଉପରେ ଅତିରିକ୍ତ ୨ ଲକ୍ଷଟଙ୍କା ଯାଏଁ ଯୋଗାଇ ଦିଆଯାଇଛି ।
