୬୧ତମ ଅଲ ଓଡିଶା ସିନିୟର ରାଜ୍ୟ ସୁଇମିଂ ସିଲେକସନ ମିଟ ଆସନ୍ତା ୧୦ତାରିଖରେ ଭୁବନେଶ୍ୱର ଠାରେ ଅନୁଷ୍ଠିତ ହେବାକୁ ଯାଉଛି ସେଥିପାଇଁ ପୁରୀ ଜିଲ୍ଲା ସୁଇମିଂ ଆସୋସିଏସନ ପକ୍ଷରୁ ଜିଲ୍ଲା ସୁଇମିଂ ସିଲେକସନ ମିଟ୍ ରବିବାର ପୁରୀ ଆଖଣ୍ଡଳମଣି ସୁଇମିଂ ପୁଲରେ ଅନୁଷ୍ଠିତ ହୋଇଯାଇଛି। ସୁଇମିଂ ମିଟ୍ ରେ ମୋଟ ୩୫ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ।ସିନିୟର ବୟସ୍ ଏବଂ ଗାର୍ଲର ୪ଟି ବିଭାଗ ଫ୍ରି ଷ୍ଟାଇଲ, ବ୍ୟାକ ଷ୍ଟ୍ରୋକ୍, ବଟର ଫ୍ଳାଏ, ବ୍ରେଷ୍ଟ ଷ୍ଟ୍ରୋକରେ ସମସ୍ତ ଖେଳାଳି ମାନେ ଭାଗନେଇଥିଲେ। ଫ୍ରିଷ୍ଟାଇଲ ୫୦,୨୦୦,୨୦୦,୪୦୦,୮୦୦,୧୫୦୦ ମିଟରରେ ଖେଳାଳି ମାନେ ତାଙ୍କ ବେଷ୍ଟ ପାରାମିଟର କ୍ରସ୍ କରିଥିବାବେଳେ। ଅନ୍ୟ ତିନୋଟିରେ ୫୦ ମିଟର, ୧୦୦,୨୦୦ ମିଟର ସହ ମିଡ୍ ଲେ ଖେଳ ପାଇଁ ମଧ୍ୟ ଖେଳାଳି ଚୟନ କରାଯାଇଛି। ପ୍ରାୟ ୨୪ଜଣ ଖେଳାଳି ରାଜ୍ୟ ସନ୍ତରଣ ସିଲେକସନ ମିଟରେ ଅଂଶଗ୍ରହଣ କରିବେ।
କୋଚ୍ ଅରୁଣ କୁମାର ମିଶ୍ର, ଟିମ ମ୍ୟାନେଜର ରାମକୃଷ୍ଣ ମେକାପ, ଜିତେନ୍ଦ୍ର ନାଥ ଦାସ, ଗୋବିନ୍ଦ ପାତ୍ର, ରଶ୍ମିରଞ୍ଜନ ପାତ୍ର, କେଦାରନାଥ ମହାପାତ୍ର, ସୈମ୍ୟରଞ୍ଜନ ପାତ୍ର, ସନ୍ଦୀପ କୁମାର ଜେନା, ଦିବାକର ବିଶୋଇ ପ୍ରମୁଖ ପ୍ରତିଯୋଗିତାକୁ ପରିଚାଳନା କରିଥିଲେ। ଗତ ଚମ୍ପିୟାନସିପରେ ସମୀର ସାହୁ, ହେମନ୍ତ ବେହେରା, ଆକାଶ ନାୟକ ମେଡାଲ ପାଇଥିବା ବେଳେ ଚଳିତ ମିଟରେ ଖେଳାଳି ମାନେ ମଧ୍ୟ ଭଲ ପ୍ରଦର୍ଶନ କରିବେ ବୋଲି ଆଶା ପ୍ରକାଶ କରିଥିବା ବେଳେ ଜିଲ୍ଲା ସୁଇମିଂ ଆସୋସିଏସନ ର ଉପସଭାପତି ରବିନାରାୟଣ ସାହୁ, ସମ୍ପାଦକ ମଧୁସୂଦନ ମିଶ୍ର, ପୂର୍ଵତନ ଚୟାରମ୍ୟାନ ପୁରୀ ପୈରସଂସ୍ଥା ର ସୁରେନ୍ଦ୍ର ଦାଶଙ୍କ ଉପସ୍ଥିତ ରେ ସମସ୍ତ ପ୍ରତିଯୋଗିତା କରାଯାଇଥିଲା।
