କୂଅରୁ ମାଆ ଓ ୪ ବର୍ଷିୟା ଶିଶୁକନ୍ୟାର ମୃତଦେହ ଉଦ୍ଧାର

ମାଲକାନଗିରି, କୂଅ ଭିତରୁ ମାଆ ଓ ୪ ବର୍ଷିୟା ଶିଶୁକନ୍ୟାର ମୃତଦେହ ଉଦ୍ଧାର ହୋଇଛି । ଆଜି ଏଭଳି ଏକ ଦୁଃଖଦ ଦୃଶ୍ୟ ଦେଖିବାକୁ ମିଳିଛି ମାଲକାନଗିରି ଜିଲ୍ଲା ମାଥିଲି ଥାନା ଅନ୍ତର୍ଗତ କାଉଡ଼ିଗୁଡ଼ା ଗ୍ରାମରେ । ଆଜି ସକାଳ ଠାରୁ ମା ଓ ୪ ବର୍ଷର ଏହି ଶିଶୁକନ୍ୟା ଘରୁ ନିଖୋଜ ଥିଲେ । ପରେ ଉଭୟଙ୍କ ମୃତଦେହ କୂଅରେ ଭାସୁଥିବା ଦେଖିବାକୁ ମିଳିଥିଲା । ଖବର ପାଇ ମାଥିଲି ପୋଲିସ ଘଟଣାସ୍ଥଳରେ ପହଂଚି ମାଆଝିଅଙ୍କ ମୃତଦେହ ଉଦ୍ଧାର କରିବା ସହ ଏହାକୁ ବ୍ୟବଚ୍ଛେଦ ନିମନ୍ତେ ମାଥିଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଛି । ତେବେ ଏହା ହତ୍ୟା ନା ଆତ୍ମହତ୍ୟା ତାକୁ ନେଇ ପୋଲିସ ତଦନ୍ତ ଆରମ୍ଭ କରିଛି ।