ଭୁବନେଶ୍ୱର – ଭୁବନେଶ୍ୱରର ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନବନ୍ଦରରୁ ୪୦୦ପ୍ୟାକେଟ ବିଦେଶୀ ସିଗାରେଟ ଜବତ କରାଯାଇଛି । ଜବତ ସିଗାରେଟର ଆନୁମାନିକ ମୂଲ୍ୟ ୧୨ଲକ୍ଷ ଟଙ୍କା ହେବ । ଏହି ଘଟଣାରେ ସମ୍ପୃକ୍ତ ୨ବ୍ୟବସାୟୀଙ୍କୁ ଅଟକ ରଖି ପଚରାଉଚରା କରାଯାଉଥିବାର ସୂଚନା ମିଳିଛି ।
ପ୍ରାପ୍ତ ସୂଚନା ଅନୁସାରେ, ଭୁବନେଶ୍ୱର ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନବନ୍ଦରରୁ ଦୁଇ ଜଣ ବ୍ୟବସାୟୀଙ୍କଠାରୁ ମଙ୍ଗଳବାର ରାଜସ୍ୱ ଗୁଇନ୍ଦା ବିଭାଗ ଦ୍ୱାରା ୪୦୦ ପ୍ୟାକେଟ ବିଦେଶୀ ସିଗାରେଟ ଜବତ କରାଯାଇଥିଲା । ଏହି ସିଗାରେଟ କୁଆଲାଲୁମପୁରରୁ ଏୟାର ଏସିଆ ବିମାନ ଯୋଗେ ·ଲାଣ ହେଉଥିଲା ।
ଅଟକ ଥିବା ଦୁଇ ବ୍ୟବସାୟୀଙ୍କ ଘର କୋଲକାତାରେ ବୋଲି ଜଣାପଡ଼ିଛି ।
ଗତ କିଛି ଦିନ ଧରି ବିଭିନ୍ନ ଉପାୟରେ ସୁନା ଚାଲାଣବେଳେ ଭୁବନେଶ୍ୱର ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନବନ୍ଦରରୁ ଜବତ ହୋଇ ଆସିଛି ।
