ଶିମିଳିପାଳ ଅଭୟାରଣ୍ୟରେ ଥମୁନି ନିଆଁ  ; ନିଆଁ ଲିଭା କାର୍ଯ୍ୟରେ ହଜାରେରୁ ଉର୍ଦ୍ଧ୍ୱ କର୍ମଚାରୀ ନିୟୋଜିତ 

ବାରିପଦା,  ଶିମିଳିପାଳ ଅଭୟାରଣ୍ୟରେ ଲାଗିଥିବା ନିଆଁ ଥମିବାର ନାଁ ନେଉନାହିଁ । ବନ ବିଭାଗ ପକ୍ଷରୁ ନିଆଁ ଲିଭାଇବାକୁ ଉଦ୍ୟମ ଜାରୀ ରହିଛି । ଏହି ନିଆଁ ଲିଭା କାର୍ଯ୍ୟରେ ହଜାରେରୁ ଉର୍ଦ୍ଧ୍ୱ କର୍ମଚାରୀ ନିୟୋଜିତ ରହିଛନ୍ତି । ତନ୍ମଧ୍ୟରେ ରହିଛନ୍ତି ୮ ଶହ ବନକର୍ମଚାରୀ ଓ ୨୫୦ ଜଣ ଜଙ୍ଗଲ ଜଗୁଆଳୀ । ୪୦ଟି ଗାଡ଼ି, ୨୪୦ ବ୍ଲୋୟର ମେସିନ ମଧ୍ୟ ନିଆଁ ଲିଭା କାର୍ଯ୍ୟରେ ନିୟୋଜିତ ରହିଥିବା ନେଇ ଶିମିଳିପାଳ ଉପନିର୍ଦ୍ଦେଶକ ଯଜ୍ଞଦତ ପତି ସୂଚନା ଦେଇଛନ୍ତି ।