ଭୁବନ, ଓଡିଶା ସେକେଣ୍ଡାରୀ ସ୍କୁଲ ଟିଚରର୍ସ ଆସୋସିଏସନ (ଓଷ୍ଟା) ଭୁବନ ବ୍ଲକ ସଂଘର ନୂତନ କର୍ମକର୍ତା ମନୋନୟନ ହୋଇଯାଇଛି । ମଠକରଗୋଳା ବାଳିକା ଉଚ୍ଚ ବିଦ୍ୟାଳୟ ଠାରେ ଅନୁଷ୍ଠିତ ବୈଠକରେ ସର୍ବସମ୍ମତ କ୍ରମେ ଭୁବନ ସରକାରୀ ବାଳିକା ଉଚ୍ଚ ବିଦ୍ୟାଳୟର ବରିଷ୍ଠ ଶିକ୍ଷକ ଗଣେଶ୍ୱର ଦାସ ସଭାପତି, ଅରଖପାଳ ଗ୍ରାମପଂଚାୟତ ଉଚ୍ଚ ବିଦ୍ୟାଳୟର ସହକାରୀ ଶିକ୍ଷକ ସୁରେଶ ଚନ୍ଦ୍ର ପରିଡା ସମ୍ପାଦକ, ସୁମିତ୍ରାରାଣୀ ଖୁଣି୍ଟଆ ଉପସଭାପତି, ମନୋଜ କୁମାର ବାରିକ, ଅରୁଣ କୁମାର ନାୟକ ଯୁଗ୍ମ ସମ୍ପାଦକ, ଅରୁଣ କୁମାର ଦାସ ଜିଲ୍ଲା କାର୍ଯ୍ୟକାରିଣୀ ସଦସ୍ୟ ଓ ସଚଳା ସାହୁଙ୍କୁ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଭାବେ ମନୋନୀତ କରାଯାଇଥିଲା । ଏହି ବୈଠକରେ ଢେଙ୍କାନାଳ ଜିଲ୍ଲା ଓଷ୍ଟା ସମ୍ପାଦକ ବିଭୂତି ଭୂଷଣ ସାମଲ, ବର୍ଷିଆନ ନେତା ସରୋଜ କୁମାର ଦାସ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ରାମଚନ୍ଦ୍ର ରାଉତଙ୍କ ସମେତ ସମସ୍ତ ସଦସ୍ୟ ଯୋଗଦେଇଥିଲେ ।
