-
ଏହି ନୂତନ ରେଳ ଲାଇନଗୁଡ଼ିକ ଜୀବନକୁ ସହଜ କରିବ, ଶିଳ୍ପଗୁଡିକ ପାଇଁ ନୂତନ ରାସ୍ତା ଉପଲବ୍ଧ ହେବ: ପ୍ରଧାନମନ୍ତ୍ରୀ
ଶ୍ରୀ ମୋଦୀ ପୂର୍ବ ରେଳବାଇ ଖାରଗ୍ରାଘାଟ ରୋଡର ଆଜିମଗଞ୍ଜ ଦୋହରା ରେଳଲାଇନ୍କୁ ଦେଶ ଉଦ୍ଦେଶ୍ୟରେ ଉତ୍ସର୍ଗ କରିଥିଲେ । ସେ ଦେଶ ଉଦ୍ଦେଶ୍ୟରେ ଦାନକୁନି ଏବଂ ବାରୁଇପାରା ମଧ୍ୟରେ ଚତୁର୍ଥ ରେଳଲାଇନ୍ ଏବଂ ରସୁଲପୁର ଓ ମାଗ୍ରା ମଧ୍ୟରେ ତୃତୀୟ ଲାଇନକୁ ଉତ୍ସର୍ଗ କରିଥିଲେ ।
ଏହି କାର୍ୟ୍ୟକ୍ରମରେ ଜନସାଧାରଣଙ୍କୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଯେ ଆଜି ଉନ୍ମୋଚିତ ହୋଇଥିବା ପ୍ରକଳ୍ପଗୁଡ଼ିକ ହୁଗୁଳି ଆଖପାଖରେ ଥିବା ଲକ୍ଷ ଲକ୍ଷ ଲୋକଙ୍କ ଜୀବନକୁ ସହଜ କରିବ । ସେ ଆହୁରି ମଧ୍ୟ କହିଛନ୍ତି ଯେ ଆମ ଦେଶରେ ପରିବହନର ଉତ୍ତମ ମାଧ୍ୟମ ଆମର ଆତ୍ମର୍ନିଭରଶୀଳତା ଏବଂ ଆତ୍ମବିଶ୍ୱାସ ଓ ସଂକଳ୍ପକୁ ଦୃଢ କରିବ । ସେ ଖୁସି ବ୍ୟକ୍ତ କରିଛନ୍ତି ଯେ କୋଲକାତା ବ୍ୟତୀତ ହୁଗଳି, ହାୱଡା ଏବଂ ଉତ୍ତର ୨୪ପ୍ରଗଣା ଜିଲ୍ଲାର ଲୋକମାନେ ମଧ୍ୟ ମେଟ୍ରୋ ସେବାର ଲାଭ ପାଇବେ । ମେଟ୍ରୋ ରେଳବାଇର ନୋଆପାରା ଠାରୁ ଦକ୍ଷିଣେଶ୍ୱର ପର୍ୟ୍ୟନ୍ତ ସମ୍ପ୍ରସାରଣର ଉଦଘାଟନ ସହିତ ଉଭୟ ଗନ୍ତବ୍ୟସ୍ଥଳ ମଧ୍ୟରେ ଯାତ୍ରା ସମୟ ୯୦ ମିନିଟରୁ ୨୫ ମିନିଟକୁ ହ୍ରାସ ପାଇବ ବୋଲି ସେ କହିଛନ୍ତି । ଏହି ସେବା ଛାତ୍ରଛାତ୍ରୀ ଓ ଶ୍ରମିକମାନଙ୍କ ପାଇଁ ବହୁତ ଲାଭଦାୟକ ହେବ ବୋଲି ସେ କହିଛନ୍ତି ।
ଆଜିକାଲି ଭାରତରେ ର୍ନିମାଣ ହେଉଥିବା ମେଟ୍ରୋ କିମ୍ବା ରେଳ ବ୍ୟବସ୍ଥାରେ ମେଡ ଇନ୍ ଇଣ୍ଡିଆର ପ୍ରଭାବ ଦୃଶ୍ୟମାନ ହେଉଥିବାରୁ ପ୍ରଧାନମନ୍ତ୍ରୀ ଖୁସି ବ୍ୟକ୍ତ କରିଛନ୍ତି । ଟ୍ରାକ୍ ଏବଂ ଆଧୁନିକ ରେଳ ଇଞ୍ଜିନ ଠାରୁ ଆରମ୍ଭ କରି ଆଧୁନିକ ଟ୍ରେନ୍ ଏବଂ ଆଧୁନିକ କୋଚ୍, ବହୁ ପରିମାଣରେ ବ୍ୟବହୃତ ସାମଗ୍ରୀ ଏବଂ ପ୍ରଯୁକ୍ତିବିଦ୍ୟା ସ୍ୱଦେଶୀ ହୋଇପାରିଛି । ଏହା ପ୍ରକଳ୍ପ କାର୍ୟ୍ୟକାରିତାକୁ ତ୍ୱରାନ୍ୱିତ କରି ର୍ନିମାଣର ଗୁଣବତ୍ତା ବୃଦ୍ଧି କରିଛି ।
ପ୍ରଧାନମନ୍ତ୍ରୀ କହିଛନ୍ତି ଯେ ପଶ୍ଚିମବଙ୍ଗ ଦେଶରେ ଆତ୍ମର୍ନିଭରଶୀଳତାର ଏକ ଗୁରୁତ୍ୱପୂର୍ଣ୍ଣ କେନ୍ଦ୍ର ହୋଇଛି ଏବଂ ପଶ୍ଚିମବଙ୍ଗ ଏବଂ ଉତ୍ତର ପୂର୍ବ ପାଇଁ ଆନ୍ତର୍ଜାତୀୟ ବାଣିଜ୍ୟର ଅପାର ସମ୍ଭାବନା ରହିଛି । ପ୍ରଧାନମନ୍ତ୍ରୀ କହିଛନ୍ତି ଏହି ନୂତନ ରେଳ ଲାଇନ ଦ୍ୱାରା ଜୀବନ ଅଧିକ ସହଜ ହେବ, ଶିଳ୍ପ ପାଇଁ ନୂତନ ରାସ୍ତା ମଧ୍ୟ ଉପଲବ୍ଧ ହେବ ।
ମେଟ୍ରୋ ରେଳର ନୋଆପାରା ଠାରୁ ଦକ୍ଷିଣେଶ୍ୱର ପର୍ୟ୍ୟନ୍ତ ସମ୍ପ୍ରସାରଣ ଏବଂ ଏହି ଲାଇନ୍ରେ ପ୍ରଥମ ସେବାକୁ ପତାକା ଦେଖାଇ ଆରମ୍ଭ କରାଯିବା ସଡକରେ ଯାତାୟତକୁ ହ୍ରାସ କରିବ ଏବଂ ସହରାଞ୍ଚଳର ଗତିଶୀଳତାକୁ ଉନ୍ନତ କରିବ । କେନ୍ଦ୍ର ସରକାରଙ୍କ ପୂର୍ଣ୍ଣ ଅନୁଦାନରେ ଏହି ୪.୧ କିଲୋମିଟର ସମ୍ପ୍ରସାରଣ ପାଇଁ ୪୬୪ କୋଟି ଟଙ୍କା ବ୍ୟୟରେ ର୍ନିମାଣ କରାଯାଇଛି । ଏହି ସମ୍ପ୍ରସାରଣ ଲକ୍ଷ ଲକ୍ଷ ପର୍ୟ୍ୟଟକ ଏବଂ ଭକ୍ତଙ୍କ ପାଇଁ କାଳିଘାଟ ଏବଂ ଦକ୍ଷିଣେଶ୍ୱରରେ ଥିବା ଦୁଇ ବିଶ୍ୱ ପ୍ରସିଦ୍ଧ କାଳୀ ମନ୍ଦିରକୁ ଯାତାୟତ ସହଜ କରିବ । ବାରନଗର ଏବଂ ଦକ୍ଷିଣେଶ୍ୱର ନାମକ ଦୁଇଟି ନୂତନ ଷ୍ଟେସନରେ ଆଧୁନିକ ଯାତ୍ରୀ ସୁବିଧା ରହିଛି ଏବଂ ମୂର୍ତି, ଫଟୋ ଏବଂ ପ୍ରତିମା ସହିତ ସୌନ୍ଦର୍ୟ୍ୟପୂର୍ଣ୍ଣ ଭାବରେ ପରିକଳ୍ପିତ ଏବଂ ସଜାଯାଇଛି ।
ଦକ୍ଷିଣ ପୂର୍ବ ରେଳବାଇର ୧୩୨ କିଲୋମିଟର ଦୈର୍ଘ୍ୟ ଖଡଗପୁର-ଆଦିତ୍ୟପୁର ତୃତୀୟ ଲାଇନ ପ୍ରକଳ୍ପର ୩୦ କିଲୋମିଟର ଦୂର କଲାଇକୁଣ୍ଡା ଏବଂ ଝାରଗ୍ରାମ ମଧ୍ୟରେ ତୃତୀୟ ଲାଇନ ପାଇଁ ୧୩୧୨ କୋଟି ଟଙ୍କା ମଞ୍ଜୁର କରାଯାଇଥିଲା । କଲାଇକୁଣ୍ଡା ଏବଂ ଝାରଗ୍ରାମ ମଧ୍ୟରେ ଥିବା ଚାରୋଟି ଷ୍ଟେସନକୁ ନୂତନ ଭିତ୍ତିଭୂମି ନବୀକରଣ ସହିତ ଚାରୋଟି ନୂତନ ଷ୍ଟେସନ୍ କୋଠା, ଛଅଟି ନୂତନ ଫୁଟ ଓଭର ବ୍ରିଜ ଏବଂ ଏଗାରଟି ନୂତନ ପ୍ଲାଟଫର୍ମର ପୁନଃ ର୍ନିମାଣ କରାଯାଇଛି । ଏହା ହାୱଡା-ମୁମ୍ବାଇ ଟ୍ରଙ୍କ ମାର୍ଗରେ ଯାତ୍ରୀ ଏବଂ ମାଲବାହୀ ଟ୍ରେନର ନିରବଚ୍ଛିନ୍ନ ଗତିକୁ ସୁନିଶ୍ଚିତ କରିବାରେ ସାହାଯ୍ୟ କରିବ ।
ହାୱଡା-ବର୍ଦ୍ଧମାନ କୋର୍ଡ ଲାଇନ୍ ଅର୍ନ୍ତଗତ ହାୱଡାର ଡାନକୁନି ଏବଂ ବାରୁପାରା (୧୧.୨୮ କିମି) ଚତୁର୍ଥ ଲାଇନ୍ ଏବଂ ହାୱଡା-ବର୍ଦ୍ଧମାନ ମୁଖ୍ୟ ଲାଇନ୍ ଅର୍ନ୍ତଗତ ରସୁଲପୁର ଏବଂ ମାଗ୍ରା (୪୨.୪୨ କିମି) ମଧ୍ୟରେ ତୃତୀୟ ଲାଇନକୁ ଆଜି ଦେଶ ଉଦ୍ଦେଶ୍ୟରେ ଉତ୍ସର୍ଗ କରାଯାଇଛି, ଯାହାକି କୋଲକାତାର ପ୍ରବେଶପଥ ଭାବରେ କାର୍ୟ୍ୟ କରେ । ରସୁଲପୁର ଏବଂ ମାଗ୍ରା ମଧ୍ୟରେ ତୃତୀୟ ଲାଇନ ୭୫୯ କୋଟି ଟଙ୍କା ବ୍ୟୟରେ ର୍ନିମିତ ହୋଇଥିବାବେଳେ ଡାନକୁନି ଏବଂ ବାରୁପାରା ମଧ୍ୟରେ ଚତୁର୍ଥ ଲାଇନ ୧୯୫ କୋଟି ଟଙ୍କା ବ୍ୟୟରେ ର୍ନିମିତ ହୋଇଛି ।
ଆଜିମଗଞ୍ଜ – ଖାରଗ୍ରାଘାଟ ରୋଡ୍ ର ଦୋହରୀକରଣ
ପୂର୍ବ ରେଳବାଇର ହାୱଡା – ବନ୍ଦେଲ – ଆଜିମଗଞ୍ଜ ସେକ୍ସନର ଏକ ଅଂଶ ଥିବା ଆଜିମଗଞ୍ଜକୁ ଖାରଗ୍ରାଘାଟ ରୋଡ ଲାଇନକୁ ଦୋହରୀକରଣ କାର୍ୟ୍ୟ ପ୍ରାୟ ୨୪୦ କୋଟି ଟଙ୍କା ବ୍ୟୟରେ ର୍ନିମିତ ହୋଇଛି ।ଏହି ପ୍ରକଳ୍ପଗୁଡିକ ଉନ୍ନତ କାର୍ୟ୍ୟକ୍ଷମ, କମ୍ ଯାତ୍ରା ସମୟ ଏବଂ ରେଳ ଯାତ୍ରାର ବର୍ଦ୍ଧିତ ନିରାପତ୍ତାକୁ ସୁନିଶ୍ଚିତ କରିବା ସହିତ ଏହି ଅଞ୍ଚଳର ସାମଗ୍ରିକ ଅର୍ଥନୈତିକ ଅଭିବୃଦ୍ଧି କରିବ ।
