ଜାତୀୟ ମଶା ଗବେଷଣା କେନ୍ଦ୍ରକୁ ରାଉରକେଲାରୁ ରାଂଚି ଉଠାଇ ନିଆ ଯାଇଥିବାକୁ ନେଇ ଉଦବେଗ   

ଭୁୁବନେଶ୍ୱର, ଜାତୀୟ ମଶା ଗବେଷଣା କେନ୍ଦ୍ରକୁ ରାଉରକେଲାରୁ ରାଂଚି ଉଠାଇ ନିଆ ଯାଇଥିବାକୁ ନେଇ ବିଧାନସଭାରେ ମଙ୍ଗଳବାର ଦିନ ବିଜେଡି ସଭ୍ୟ କିଶୋର ମହାନ୍ତି ଉଦବେଗ ପ୍ରକାଶ କରିଛନ୍ତି । ଏ ନେଇ ରାଜ୍ୟ ସରକାର ପତ୍ର ଲେଖି ଏହାକୁ ବିରୋଧ କରିବାକୁ ସେ ଦାବି କରିଛନ୍ତି । ମଙ୍ଗଳବାର ଦିନ ଶୂନ୍ୟକାଳରେ ଏହି ପ୍ରସଙ୍ଗ ଉଠାଇ ଶ୍ରୀ ମହାନ୍ତି କହିଥିଲେ ଯେ ଗତ ଜାନୁଆରୀ ମାସରେ ଜାତୀୟ ମଶା ଗବେଷଣା କେନ୍ଦ୍ରକୁ ରାଉରକେଲାରୁ ରାଂଚି ଉଠାଇ ନିଆ ଯାଇଛି । ସବୁ କେନ୍ଦ୍ରୀୟ ଅନୁଷ୍ଠାନ ଗୁଡିକୁ ଧୀରେ ଧୀରେ ଓଡିଶାରୁ ବାହାରକୁ ନିଆ ଯାଉଛି, ଯାହା ଚିନ୍ତାର ବିଷୟ ।

ସେ କହିଛନ୍ତି ଯେ ଦେଶରେ ମ୍ୟାଲେରିଆ ରୋଗୀ ମାନଙ୍କ ମଧ୍ୟରେ ଓଡିଶାୀରେ ୧୧.୮ ପ୍ରତିଶତ ରୋଗୀ ଅଛନ୍ତି । ଏହାକୁ ଆଖି ଆଗରେ ରଖି ୧୯୮୬ ମସିହାରେ ଏହି କେନ୍ଦ୍ର ଗଂଜାମ ଜିଲ୍ଲାରେ ସ୍ଥାପନା କରା ଯାଇଥିଲା । ଏହା ପରେ ୧୯୮୮ରେ ଏହାକୁ ରାଉରକେଲା ସ୍ଥାନାନ୍ତର କରା ଯାଇଥିଲା ।