ପୁରୀରେ ଅଭିନେତ୍ରୀ କଙ୍ଗନା ରାଣାୱତ

• ଶ୍ରୀମନ୍ଦିରକୁ ଯାଇ ବେଢା ପରିକ୍ରମା କରି ମହାପ୍ରଭୁ ଙ୍କୁ ଦର୍ଶନ କରିଛନ୍ତି

କୈଳାଶ ଚନ୍ଦ୍ର ପଣ୍ଡା,ପୁରୀ ,
ହିନ୍ଦୀ ଚଳଚ୍ଚିତ୍ର ଜଗତର ଚର୍ଚ୍ଚିତ ଅଭିନେତ୍ରୀ କଙ୍ଗନା ରାଣାୱତ ଗୁରୁବାର ରାତିରେ ପୁରୀରେ ଆସି ପହଞ୍ଚିଛନ୍ତି । ଶୁକ୍ରବାର ସକାଳେ ସେ ଶ୍ରୀଜଗନ୍ନାଥ ମନ୍ଦିରକୁ ଯାଇ ମହାପ୍ରଭୁ ଙ୍କୁ ଦର୍ଶନ କରିଛନ୍ତି । କଡା ସୁରକ୍ଷା ବଳୟ ମଧ୍ୟରେ ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ପହଂଚିଥିଲେ କାଙ୍ଗନା ।ସେହି ସମୟରେ ସିଂହାରୀ ସେବାୟତ ମଧୁସୂଦନ ସିଂହାରୀ ଓ ଶ୍ରୀମନ୍ଦିର ପ୍ରଶାସନିକ ଅଧିକାରୀ ତାଙ୍କୁ ସ୍ଵାଗତ କରିଥିଲେ । କଙ୍ଗନା ଶ୍ରୀଜିଉଙ୍କ ମଙ୍ଗଳ ଆଳତୀ ଦର୍ଶନ କରିବା ସହ ବେଢା ପରିକ୍ରମା କରିଛନ୍ତି ।

ଫିଲ୍ମ ଫେୟାର ଆୱାର୍ଡଠାରୁ ଆରମ୍ଭ କରି ବହୁ ଜାତୀୟ ସ୍ମରୀୟ ସମ୍ମାନ ପାଇଛନ୍ତି କଙ୍ଗନା ।ଖୋଲା ମନ୍ତବ୍ୟକୁ ନେଇ ସେ ଅଧିକାଶ ସମୟରେ ବିବାଦୀୟ ହୋଇ ଆସିଛନ୍ତି |କଙ୍ଗନା ସମୁଦ୍ରକୂଳ ନିକଟସ୍ଥ ଏକ ଘରୋଇ ତାରକା ହୋଟେଲରେ ରହିଛନ୍ତି । ତାଙ୍କ ପାଇଁ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।ସେ ପୁରୀ ଗସ୍ତରେ ଆସି ଶ୍ରୀଜଗନ୍ନାଥ ମହାପ୍ରଭୁଙ୍କୁ ଦର୍ଶନ କରିବାକୁ ଚାହୁଁଥିବା ସମ୍ପର୍କରେ ଗତବର୍ଷ ଡିସେମ୍ବର ୨୨ରେ ଟୁଇଟର ଯୋଗେ ସୂଚନା ଦେଇଥିଲେ । ତାଙ୍କ ସହ ପରିବାରର ଅନ୍ୟ କିଛି ସଦସ୍ୟ ଏବଂ ସୁରକ୍ଷାକର୍ମୀ ମଧ୍ୟ ଉପସ୍ଥିତ ରହିଥିବା ଜଣାପଡିଛି ।