ଶିବରାମ ଚୌଧୁରୀ,ବେଲଗୁଣ୍ଠା
ଗଞ୍ଜାମ ଜିଲ୍ଲା ବେଲଗୁଣ୍ଠା ସ୍ଥିତ ଶ୍ରୀ ଶ୍ରୀ ପଞ୍ଚାନନ ସ୍ୱାମୀଙ୍କ ଅଷ୍ଟାଦଶତମ ବାର୍ଷିକ ଉତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି I ଆଜି ସକାଳୁ ଠାକୁରଙ୍କର ଦୈନନ୍ଦିନ ନୀତିକାନ୍ତି ସମାପ୍ତ ହେବା ସହ ବାର୍ଷିକ ଉତ୍ସବ ଆରମ୍ଭ ହୋଇଥିଲା I ଏହି ଅବସରରେ ଅନ୍ନ ଯଜ୍ଞ ଏବଂ ଘୃତ ଯଜ୍ଞର ଆୟୋଜନ କରାଯିବା ସହ ସାଂସ୍କୃତିକ କାର୍ଯ୍ୟକ୍ରମ ଭାବରେ ମେଳା ଏବଂ ଗାହାଣୀ ପରିବେଷଣ କରାଯାଇଥିଲା I ଏହି ଉତ୍ସବ ଦେଖିବାକୁ ଆଖପାଖ ଅଞ୍ଚଳ ବହୁ ଭକ୍ତ ଆସି ପ୍ରସାଦ ସେବନ କରିଥିଲେ I ସମସ୍ତ କାର୍ଯ୍ୟକ୍ରମକୁ ଶ୍ରୀ ଶ୍ରୀ ପଞ୍ଚାନନ ସ୍ୱାମୀ ମନ୍ଦିର କମିଟି ପରିଚାଳନା କରିଥିଲେ I
