-
ପୁରୀ ଜିଲ୍ଲା ଫୁଟଭଲି ଆସୋସିଏସନ୍ର କର୍ମକର୍ତ୍ତା ଚୟନ ,
ପୁରୀ ଜିଲ୍ଲା ଫୁଟଭଲି ଆସୋସିଏସନ୍ର କର୍ମକର୍ତ୍ତା ଚୟନ ଓ ସାଧାରଣ ସଭା ସ୍ଥାନୀୟ ପୋଲିସଲାଇନ୍ ସ୍ଥିତ ଶ୍ରୀ ଶ୍ରୀ ମୁକ୍ତେଶ୍ଵର ଦେବ ଙ୍କ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି । ରାଜ୍ୟ ଫୁଟଭଲି ସଂଘର ପ୍ରତିଷ୍ଠାତା ଶ୍ରୀଯୁକ୍ତ ସହଦେବ ସାହୁ ଓ ଓଡିଶା ସଂଘର ସଂଗଠନ ସଂପାଦକ ଶ୍ରୀ ପ୍ରଦୀପ କୁମାର ରାଉତରାୟ ପର୍ଯ୍ୟବେକ୍ଷକ ଭାବେ ଏଥିରେ ଯୋଗଦେଇଥିଲେ । ପୁରୀ ଜିଲ୍ଲା ସଭାପତି ଶ୍ରୀ ଶୁଭାଶିଷ ଖୁଣ୍ଟିଆ ଏବଂ ସଂପାଦକ ଭାବେ କ୍ରୀଡା ସଂଗଠକ ଶ୍ରୀ ସବ୍ୟସାଚୀ ରଥ ମନୋନିତ ହୋଇଛନ୍ତି । ସେହିପରି ଭାବେ ରାଜେଶ କୁମାର ପ୍ରଧାନ ଓ ସନ୍ତୋଷ କୁମାର ରାଉତ ଉପସଭାପତି ଭାବେ ବିକାଶ ରଞ୍ଜନ ସେଠୀ ସଂଗଠନ ସଂପାଦକ, ସନ୍ତୋଷ କୁମାର ପାତ୍ର ସହସଂପାଦକ ଏବଂ ଶ୍ରୀମତୀ ଲକ୍ଷ୍ମୀପ୍ରିୟା ନାଥ କୋଷାଧ୍ୟକ୍ଷ ଭାବେ ମନୋନିତ ହୋଇଛନ୍ତି । କାର୍ଯ୍ୟନିର୍ବାହୀ ସଭ୍ୟ ଭାବେ ରୀତେଶ ମହାପାତ୍ର ଓ ଅଭିମନ୍ୟୁ ଶତପଥୀ ମନୋନିତ ହୋଇଛନ୍ତି । ସେହିପରି ବୈଷୟିକ କମିଟି ଅଧ୍ୟକ୍ଷ ଭାବେ ରାଜକିଶୋର ମହାନ୍ତି, ସଭ୍ୟ ଭାବେ ଅକ୍ଷୟ କୁମାର ବ୍ରହ୍ମା, ଗୋପାଳ ଚନ୍ଦ୍ର ପରିଡା ଓ ରଞ୍ଜିତ ମିଶ୍ର ମଧ୍ୟ ମନୋନିତ ହୋଇଛନ୍ତି ।
ସେହିପରି ପୁରୀ ଜିଲ୍ଲା କ୍ରୀଡା ଅଧିକାରୀ ଶ୍ରୀ ଚନ୍ଦନ ସାହୁ, ପୂର୍ବତନ କ୍ରୀଡା ଅଧିକାରୀ ଶ୍ରୀ ରବିନ୍ଦ୍ର ନାଥ ସେନାପତି, ସମାଜସେବୀ ଚକ୍ରଧର ମହାପାତ୍ର ଓ କ୍ରୀଡା ସଂଗଠକ ଶ୍ରୀ ଭଗବାନ ସୁଆର ପ୍ରମୁଖ ଉପଦେଷ୍ଟା ଭାବେ ମନୋନିତ ହୋଇଛନ୍ତି ।ଉକ୍ତ ସଭାରେ ଆଗାମୀ ଏପ୍ରିଲ ୯ ଓ ୧୦ ତାରିଖରେ ଶ୍ରୀକ୍ଷେତ୍ର ବେଳାଭୂମିରେ ଜାତୀୟ ସ୍ତରୀୟ ଫୁଟଭଲି ପ୍ରତିଯୋଗିତା ଅନୁଷ୍ଠିତ ହେବ ବୋଲି ସ୍ଥିର କରାଯାଇଛି ।ଆଜିର ଏହି ସଭାକୁ ଉମାକାନ୍ତ ବେହେରା, ରବିନାରାୟଣ ଦାସ, ଶଙ୍କର ଦାସ, ଗଣେଶ ସେଠୀ, ମନୋଜ କୁମାର ସାହୁ ଓ ଶ୍ରୀମତୀ ରଶ୍ମିତା ରାଉତ ପ୍ରମୁଖ ପରିଚାଳନାରେ ସାହାଯ୍ୟ କରିଥିଲେ ।
